Advertisement
 
 
 
 
 
 
 
 

Amakuru | Mu Ntara | Intara

Musanze: Kizimyamoto zaraguzwe ariko ntibazi kuzikoresha   

  Yanditswe na NGABOYABAHIZI PROTAIS
 5 months ago

 
 

Iyo ugeze mu nyubako zitandukanye zo mu mujyi wa Musanze, mu masoko n’ahandi hantu hahurira bantu benshi nko mu mahoteli, usanga baritabiriye kugura ibyuma bizimya inkongi, ariko magingo aya kubona abantu bazi kubikoresha biracyagoranye cyane.

Mu kwirinda inkongi z’umuriro, ubuyobozi bw’akarere ka Musanze, bwakomeje kwibutsa abubaka inyubako nini kujya bateganya n’impombo nini z’amazi zafasha mu kunganira kizimyamoto haramutse habaye inkongi.

Nko mu isoko ry’ibiribwa rya Musanze hagaragara kizimyamoto, ariko usanga abakoreramo batazi neza akamaro kabyo n’uburyo bikoreshwa.



Umuyobozi w’iri soko Semagawe Rumariti, yabwiye Imvaho Nshya ko izi kizimyamoto zihamaze igihe kinini, nyamara ngo nta muti zifite kandi ntibazi n’aho ugurirwa ngo bawongeremo.

Yagize ati:“Ibi byuma bimaze umwaka urenga, ubwo batabaraga amwe mu mazu yari yibasiwe n’inkongi y’umuriro yari yegereye iri soko harimo n’iyacururizwagamo imiti, kuva ubwo umuti warashize, ariko na twe ntawaturenganya kuko ntituzi n’aho ugurirwa.

Ibi rero ni ibintu bidutera impungenge, ikindi kandi muri rusange iyo urebye usanga hari abantu benshi batazi neza imikoreshereze yabyo, bikaba byaba byiza rero buri wese amenye uko bikoreshwa”.

Umwe mu bakora muri imwe mu mahoteli yo muri Musanze, yagize ati :« Mu myaka irenga 2 nkora muri hoteli sinigeze mbona umukoresha wanjye afata umwanya ngo nibura aduhugure mu gukoresha iki cyuma kizimya inkongi, kandi ibi bintu nsanga ari ingenzi kuko ibyago ntibiteguza buri wese yagombye kumenya kubikoresha.

Hari n’ibyo usanga nta muti bigira bigafatwa nk’ibyo kwikiza abashinzwe umutekano, ibindi bigafatwa nk’umurimbo kuko nta kamaro muri rusange”.

Mu gukemura iki kibazo, akarere ka Musanze ku bufatanye na Polisi bagenda bategurwa amahugurwa agamije gufasha abakorera ahantu hahurira abantu benshi, nko mu mahoteli, za resitora, ibigo by’amashuri za sitatisiyo za esanse, ku bijyanye n’imikoreshereze y’ibyo byuma.

Polisi y’igihugu ikaba ibereka uburyo ibi byuma bikoreshwa mu gihe bahuye n’inkongi, bagitegereje ko imodoka zizimya inkongi zibageraho.

Akarere ka Musanze mu mwaka ngo gahura n’ibibazo by’inkongi y’umuriro bitari munsi ya 20.Kugira ngo nibura ubutabazi bw’ibanze bwihute, umuyobozi w’akarere ka Musanze Musabyimana Jean Claude, arasaba abubaka amazu manini kujya bateganya ahajya impombo z’amazi zafasha mu kuzimya inkongi z’umuriro.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.