Advertisement
 
 
 
 
 
 
 
 

Amakuru | Mu Ntara | Intara

Musanze: Inzoga nshya yitwa ‘Kibaku’ iteye impungenge abaturage   

  Yanditswe na NGABOYABAHIZI PROTAIS
 July 2016

 
 

Abaturage bo muri santere y’ubucuruzi ya Karere mu murenge wa Muhoza, akagari ka Cyabararika, baratangaza ko inzoga bita Kibaku iri mu bihungabanya umutekano.

Aba baturage bavuga ko abagabo bayinywa iyo batigaraguye mu muhanda, bamwe bata ingo zabo.

Bemeza ko aho icururizwa inzego zinyuranye z’ubuyobozi zihazi, ariko ngo bababazwa nuko ntacyo zibikoraho, bakaba basaba ko hagira igikorwa ubuzima bw’abaturage bukarengerwa ndetse n’umutekano ukaboneka.

Umwe mu baturage bo muri aka kagari yagize ati:“Iyi nzoga bita Kibaku igiye kudusenyera ingo no kutumara ku bantu, iyi nzoga iyo umuntu ayinyoye ntamenya iyo ajya n’iyo ava, aha barwana buri munsi, kubera iyi nzoga y’uruvangitirane rwa kanyanga n’amoko y’inzagwa atandukanye.

JPEG - 24.5 kb
Umuntu usomye kuri Kibaku ngo ahita atakaza ubwenge (Foto interineti)

Ubuyobozi burabizi ndetse izi kanyanga n’ibindi biyobyabwenge bihamaze igihe cy’imyaka 2, umukuru w’umudugudu arahazi kandi nawe ni ho anywera, Gitifu w’akagari arabizi, ndetse na Gitifu w’umurenge arabizi, nibaza niba ubuyobozi bugarukira kuri kaburimbo ntibugere hano”.

Amani Gaudence, undi muturage utuye muri iyi santere ya Karere yagize ati:“Abagabo ba hano babyuka saa kumi n’ebyiri baje kunywa hano, nta kazi bakora, baranywa bakagera saa munani z’ijoro, ntangazwa no kubona abayobozi b’inzego z’ibanze bahagera aho kudutabara bakigendera bakadusiga mu bibazo.

Ubuyobozi bwaradutereranye, iyo ubona umuntu acuruza ibiyobyabwenge imyaka 2 igashira burebera, ubu hano ni mu ndiri y’ibiyobyabwenge, aho basigaye bavuga ko hari n’indaya bahonga amafaranga 500, zikakugaruza 200”.

Umunyamakuru w’Imvaho Nshya yageze mu rugo rw’umwe mu batungwa agatoki ko acuruza izi nzoga zifatwa nk’ibiyobyabwenge, yanga kugira icyo atangaza, icyakora mu bigaragarira amaso hari amoko y’inzoga anyuranye, harimo inzagwa n’izindi bita siriduwire.

Umunyabanga nshingwabikorwa w’akagari ka Cyabararika Cyashoshi Jonas, yagize ati:“Tuzi neza koko ko hari amoko y’ibiyobyabwenge atandukanye abaho mu Rwanda, harimo n’inzoga z’inkorano, ariko ibi bintu numvise ntabwo nari mbizi mu kagari nyobora, gusa ngiye kubikurikirana.

Naho uwo ari we wese mu Rwanda ushobora kwitwaza icyo ari cyo ngo arahungabanya umutekano w’abanyarwanda nta mwanya afite hano mu Rwanda, uwo mugore tugiye kugenzura neza turebe inzoga acuruza zitemewe tumufatire ibyemezo”.

Iyi nzoga Kibaku ngo iba ari uvungitiranye rwa kanyanga, chief waragi na kitoko basuka mu rwagwa, maze ngo umuntu yamara kubinywa agaserera ubundi akarwana n’uwo abonye nawe wese.

 

Comments

 
 
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe

Ubuyobozi bw’akarere ka Ngoma buvuga ko bwohereje agagenzuzi gukurikirana ikibazo cy’abaturage bavuga ko bahawe akazi ko kubaka ibiro by’akagari k’Akagarama ntibishyurwe. Aba baturage bo mu (...)

Rusizi:Imvura yashenye ibiro by’akagari yangiza n’imyaka y’abaturage
Rusizi:Imvura yashenye ibiro by’akagari yangiza n’imyaka y’abaturage

Ubuyobozi bw’umurenge wa Nyakarenzo mu karere ka Rusizi buravuga ko imvura ivanze n’urubura n’umuyaga mwinshi yaguye kuwa kabiri, yashenye ku buryo bukomeye ibiro by’akagari ka Gatare muri uyu (...)

Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.