Advertisement
 
 
 
 
 
 
 
 

Amakuru | Mu Ntara | Intara

Musanze:Inguzanyo ya miliyoni 38 yateje umwuka mubi muri koperative y’abamotari   

  Yanditswe na NGABOYABAHIZI PROTAIS
 April 2016

 
 

Abatwara abagenzi n’imizigo kuri moto bibumbiye muri koperetive Cootramo Musanze, bavuga ko bakemanga imicungire y’umutungo wabo, ahanini bishingiye ku kuba amafaranga akoreshwa mu buryo butumvikanweho n’abanyamuryango bose.

Aba bamotari bagera kuri 500 bagejeje ikibazo cyabo mu buyobozi bw’umurenge wa Muhoza, bubabwira ko iki kibazo kirenze ubushobozi bw’umurenge, icyakora babafasha kukigeza mu nzego zo hejuru.

Abagize Koperative Cootramo Musanze, bavuga ko Perezida wabo Ntaganda Augustin akorera mu bwiru cyane, akagerekaho no gukora ibyo aba atumvikanyeho n’abanyamuryango.

JPEG - 96.1 kb
Abamotari ntibemera ko inzu yabo yazagendaho miliyoni 38 (Foto: Ngaboyabahizi P.)

Umwe mu banyamuryango b’iyi kopertetive witwa Ndacyayisaba Evariste yagize ati:“Mu by’ukuri twemera ko abantu bishyira hamwe kugira ngo batere imbere, ariko kuri twebwe mbona tugiye kuzasiga abana bacu mu madeni adashira.

Twumvikanye na Perezida wacu ko tugiye gufata inguzanyo muri banki ingana na miliyoni 20 tugamije kubaka inzu ya koperative izajya ikoreramo ikanakodeshwa ibyumba by’ubucuruzu, we aragenda abirengaho twumva ngo yatse miliyoni 38, ikindi yaguze ahantu hadashobora gutuma tubasha kwishyura inguzanyo kubera ko inzu yagiye kuyihagika mu mashyamba ya Kimonyi.

Yitangira amasoko uko abonye, n’ikimenyimenyi mu gutangira kubaka ntabwo twabigiyeho inama ngo n’isoko ripiganirwe, ubu kandi manda ze zirimo kurangira aragira ngo adusige mu myenda”.

Uyu munyamuryango na bagenzi be bavuga ko umuyobozi wabo bamusabye kubagezaho raporo ikubiyemo uburyo umutungo ukoreshwa, hakaba ngo hashize igihe yarinangiye.

Ibi aba bamotari ngo babigejeje k’ubuyobozi bw’umurenge wa Muhoza iyi koperative ikoreramo, ariko ngo inama bamuhaye ntiyazemeye, bakaba ngo mu byo bifuza harimo no kuba iriya nyubako iri kubakwa yaba ihagaze mu gihe batarashyira k’umugaragaro uburyo umutungo wabo ucungwa, ariko ngo umuyobozi wabo yakomeje kwica amatwi akomeza kuyizamura.

Hejuru y’ibi kandi abanyamuryango b’iyi koperative bavuga ko bashingiye ku ngano y’inzu iri kubakwa, badashobora kwemera ko yatwara amafaranga miliyoni 38.

Ntaganda Augustin, Perezida wa Cootramo Musanze ukomeje gushinjwa n’abanyamuryango gukorera mu bwiru, we avuga ko niba hari abadasobanukiwe imikoresheze y’umutungo wa koperative agiye gukora ibishoboka byose bakabona ibisobanuro ndetse n’ibindi bibazo byose bifitwe n’abanyamuryango bigakemuka.

Yagize ati:“Twasabye inguzanyo muri banki ingana na miliyoni 38, kugira ngo twubake inzu yo gukoreramo n’ibiro byacu.

Kugeza ubu ntiturayibona, gusa bamwe mu banyamuryango ntibishimiye kiriya gikorwa kuko bashaka ko iriya nzu ihagarara, ariko tugiye gukoresha uburyo bwose dukemure kiriya kibazo mu bwumvikane niba hari bamwe mu banyamuryango batazi imicungire ya koperative yabo”.

Uyu muyobozi wa koperative n’ubwo avuga ko inguzanyo yasabye muri banki itaraboneka, magingo aya ntasobanura aho akura amafaranga arimo gukoresha mu mirimo y’ubwubatsi bw’iyi nyubako.

Umukozi ushinzwe amakoperative ku murenge wa Muhoza Dukuzumuremyi Appolonaire, avuga ko ikibazo cy’aba bamotari bakizi, ariko ngo bo kirabarenze, bityo bakaba baragishyikirije ikigo cy’igihugu gishinzwe amakoperative mu Rwanda (RCA) Musanze.

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.