Advertisement
 
 
 
 
 
 
 
 

Amakuru | Mu Ntara | Intara

Musanze: Imvura idasanzwe yangije inzu nyinshi n’imitungo y’abaturage (Amafoto)   

  Yanditswe na NGABOYABAHIZI PROTAIS
 April 2016

 
 

Imvura idasanzwe yaguye mu kagari ka Rubindi umurenge wa Gataraga mu karere ka Musanze mu ijoro ryo ku wa 18 Mata 2016 yasenye inzu nyinshi, imyaka n’indi mitungo by’abaturage ku buryo benshi basigaye iheruheru.

Ibintu byinshi ahanini byangijwe n’umuvu w’amazi yavaga mu Birunga; ayo mazi yamanukanye n’ibiti byinshi bifunga imiferege maze atembera mu mirima y’abaturage.

Hari n’umwuzure watewe n’umugezi wa Bishushwe wuzuye nawo ugatembera mu nzu no mu myaka.

JPEG - 177.2 kb
Amaduka n’ibirimo byangiritse

Uwineza Fabiola ni umwe mu bafite imitungo myinshi yangijwe n’icyo kiza. Avuga ko bizamugora cyane kongera kwiyubaka kuko inzu yose yaguye n’amatungo ye magufi atanu agapfa atwawe n’amazi.

JPEG - 62.3 kb
Uwineza Fabiola avuga ko asigaye mu kaga

Umuyobozi Ushinzwe imibereho myiza y’abaturage mu murenge wa Gataraga, Kamanzi Jean Bosco yabwiye Imvaho Nshya ko inzu 20 zaguye burundu naho 27 zikangirika.

JPEG - 204.6 kb
Abaturage bagerageza kurohora ibikoresho

Kamanzi yavuze ko akarere ka Musanze kamaze gutanga ibiro 200 by’ifu y’ibigori (akawunga) mu rwego rwo kugoboka abasizwe iheruheru n’iyo mvura.

Ati” Na Minisiteri Ishinzwe Ibiza (MIDIMAR) yiteguye gutanga ubufasha nk’uko bamaze kubyemerera ubuyobozi bw’umurenge.”

JPEG - 182.6 kb
Bari kurohora itunga rya Uwineza ryapfuye

Abaturage basabye ubuyobozi kubimura ahabereye iyo myuzure kuko ari mu gishanga ndetse n’umugezi wa Bishushwe ukagurwa kugira ngo utazongera kuzura ngo ubangirize.

JPEG - 87.2 kb
Imyaka yarengewe n’umwuzure
JPEG - 231 kb
Ibiti byaturutse mu birunga byafunze ibiraro
JPEG - 119.8 kb
Ibiro by’akagari nabyo byibasiwe n’umwuzure
JPEG - 237.1 kb
Baragerageza kuzibura imiferege yazibye
 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.