Advertisement
 
 
 
 
 
 
 
 

Amakuru | Mu Ntara | Intara

Musanze:Bashinze ishyirahamwe rirwanya ingengabitekerezo ya Jenoside   

  Yanditswe na NGABOYABAHIZI PROTAIS
 April 2016

 
 

Abaturagre bo mu kagari ka Ruhengeri, Umurenge wa Muhoza mu karere ka Musanze, bashinze ishyirahamwe bazajya batangiramo ibitekerezo biganisha ku kurwanya ingengabitekerezo ya Jenoside, iki gitekerezo bakaba barakigize nyuma yo gusura urwibutso rwa Ntarama ruhereye mu karere ka Bugesera, mu mwaka ushize.

Sibomana Elie, umwe mu baturage bo mu kagari ka Ruhengeri, akaba n’umunyamuryango w’iri shyirahamwe, yagize ati: “Akarere ka Musanze ni kamwe mu twarangwagamo abaturage bavugaga ko habayeho Jenosise 2, kubera kutamenya gutandukanya ibintu.

Twagize abacengezi batwiciye abantu, ariko abo bo bishwe n’intambara, ...nyuma y’uko dukora uru rugendoshuri twasanze ari ngombwa ko iri shyirahamwe rikorwa kugira ngo tubwire n’abandi ko ibyo bamwe bibwira bibeshya, Jenoside yarateguwe”.

JPEG - 70.7 kb
Perezida w’iri shyirahamwe aganiriza abanyamuryango (Foto Ngaboyabahizi P)

Aba baturage ku ikubitiro batangiye ari 28, ubu bamaze kugera kuri 63, bakaba bakora ibikorwa bitandukanye nk’uko umuyobozi wayo Nshimiyimana Dismas yabivuze.

Nshimiyimana yakomeje asobanura ko bafite intego yo gutoza ababakomokaho n’urubyiruko muri rusange, kumva ko ari abanyarwanda kuruta uko bibona mu moko.

Yagize ati:“Iyo iki gihugu kigira ababyeyi banga ikibi ntabwo ubu tuba twirirwa mu ntambara yo kurwanya ingengabitekerezo ya Jenoside, ibi kandi bizashoboka kuko iri shyirahamwe ririmo ubwiyunge, rigizwe n’abahigwaga mu gihe cya Jenoside bakabura ababo, ndetse n’abatarahigwaga”.

Akomeza avuga ko ubu ibyo bakora harimo gufasha abafite ibibazo by’ihungabana, kuremera abarokotse Jenoside n’ibindi biganisha kuri gahunda y’ubumwe n’ubwiyunge.

Nyuma y’aho aba baturage bamaze gusura urwibutso rwa Ntarama muri 2015, bakibumbira mu ishyirahamwe, abaturage bo muri aka kagari ka Ruhengeri bavuga ko bamaze kumva neza uburyo Jenoside yateguwe ndetse n’ubutwari bwaranze ingabo zari iza RPF Inkotanyi zashoboye kuyihagarika.

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.