Advertisement
 
 
 
 
 
 
 
 

Amakuru | Mu Ntara | Intara

Musanze:Barara ku bigo nderabuzima bategereje kwandikisha mituweli   

  Yanditswe na NGABOYABAHIZI PROTAIS
 August 2016

 
 

Abaturage bo mu karere ka Musanze barinubira imirongo miremire y’abandikisha mituweli igaragara ku bigo nderabuzima bitandukanye, aho bamwe basabwa kurara ku murongo kugira ngo babashe kwandikisha ku munsi ukurikiyeho.

Aba baturage bavuga ko iki kibazo kibaremere cyane, kuko ngo bakora urugendo rurerure bajya kwandikisha mituweli ku bigo nderabuzima, banagerayo bakamara iminsi irenga ibiri bataragerwaho.

Uwamahoro Aliane, umwe muri aba baturage yagize ati: “Ubu tugiye gusariza mu nzira njye, maze ibyumweru bigera kuri 2 nsiragira mu nzira nshaka guhinduza mitiweli y’umuryango wanjye.

Hari ikibazo rero ubu gikomereye umuturage cyo mu byiciro by’ubudehe, uragera hano bati nta cyiciro cyawe tubona, ukagaruka ku kagari ko ku murenge ukagaruka hano ku kigo nderabuzima.

Ubu nageze hano saa mbiri z’ijoro uwankurikiye yahageze mu ma saa tanu, ariko nanone (ku munsi ukurikiyeho) ntangajwe no kubona abakuriye mitiweli hano bavuze ngo uyu munsi ntidukorerwa ubu ndatashye.”

JPEG - 77.3 kb
Abaturage batonze umurongo ku kigo nderabuzima cya Muhoza bategereje kwandikisha mituweli(Foto Ngaboyabahizi P)

Mugabo Leonidas, umusaza w’imyaka 62, na we yagize ati:“Umugore ntakirara iruhande rw’uwo bashakanye ngo yaraye mu kwandikisha mituweli, urambwira ngo azamushira amakenga ko atamuca inyuma.

Njye nageze aha mu ma saa saba z’ijoro, ariko naje mu nzira mfite impungenge ko nahurira mu nzira n’ibisambo, hari abirirwa hano kurya ntibarye kuko hari n’ubona bugorobye atarakorerwa agahitamo gufata umwanya, kugira ngo bamuhe nibura akanomero ka mbere.Yewe ubuyobozi nibushake igisubizo cy’izi mpinduka za mitiweli”.

Umuyobozi w’ikigo nderabuzima cya Muhoza Nirere Leopord, yabwiye Imvaho Nshya ko iki kibazo cy’imirongo miremire y’abaturage bandikisha mituweli nabo bakibona, ariko yizeza ko bagiye kugishakira umuti urambye.

Yagize ati:“Ni byo koko ubu hano hari imirongo miremire kubera gahunda y’ubwisungane mu kwivuza kuri ubu yavuguruwe kikaba kiri mu maboko ya RSSB, abo mwabonye bavuga ko baharaye baba birengagije ko dutangira akazi saa moya tukarangiza sa kumi n’imwe.

Ubu rero tugiye kuganira na RSSB kugira ngo hashakwe uburyo abakozi bakwiyongera maze iki gikorwa kihutishwe”.

Aba baturage bavuga ko bibabaza iyo bagiye kwivuza bakababwira ko nta bwisungane bafite, kandi ngo amafaranga barayishyuye ari kuri konte ya mituweli.

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.