Advertisement
 
 
 
 
 
 
 
 

Amakuru | Mu Ntara | Intara

Musanze: Bane bafungiwe uburiganya muri VUP   

  Yanditswe na NGABOYABAHIZI PROTAIS
 July 2016

 
 

Ubuyobozi bw’umurenge wa Gashaki mu karere ka Musanze buratangaza ko abantu bane bari mu maboko y’ubutabera bakurikiranweho uburiganya muri gahunda ya VUP nyuma yo kuvumbura amatsinda agera kuri 6 ya baringa muri iyo gahunda.

Kuri ubu abari mu maboko y’ubutabera barimo Barakamfitiye Alphonse, ushinzwe iterambere mu kagari ka Kigabiro, Nturanyenabanzi Pierre, Aholinyuze Jean Baptiste, Zamurangi Eric, aba bose barakekwa kuba bari bafite amatsinda ya baringa.

Ndizihiwe Servilien, wayoboraga akagari ka Kivumo we yemera ko yakoze itsinda rya baringa akanabisabira imbabazi, ubu ngo akaba atangiye kwishyura miliyoni imwe na Magana atatu.

Umunyamabanga Nshingwabikorwa w’umurenge wa Gashaki, Dushimire Jean yagize ati:“Ni byo ko iki kibazo mu murenge wa Gashaki kirazwi ko bamwe mu bayobozi batageza gahunda ya VUP ku bo ikwiye, ni muri urwo rwego turimo gukurikirana bamwe mu banyereje iyi gahunda. Nyuma y’igenzura tumaze gusanga rero haranyerejwe agera kuri miliyoni 80, ubu tukaba tumaze kubona arenga miliyoni 40, n’amatsinda 6 ya baringa”.

Akomeza avuga ko hamaze gushyikirizwa ubutabera abagera kuri 4, kandi avuga ko hagishakishwa n’abandi .

Ati:“Habayemo bamwe mu bayobozi bakoze amatsinda ya Baringa, bafatanyije n’abacuruzi, hari rero bamwe mu bayobozi b’utugari wagira ngo ntibazi ko VUP yaje kuzamura abakene”.

JPEG - 217.3 kb
Abagaragayeho uburiganya muri VUP batangiye gutabwa muri yombi (Foto KT)

Bamwe mu baturage bo mu murenge wa Gashaki mu karere ka Musanze, bavuga ko batagerwaho n’ibikorwa bya VUP Umurenge, aho bemeza ko abo igirira akamaro ari abishoboye, mu gihe iyi gahunda bazi neza ko yaje igamije kuzamura abakene.

Umwe mu baturage bo mu murenge wa Gashaki, yagize ati:“Ubu iyo bavuze ngo hari igikorwa kije guteza imbere umuturage tuba tuzi neza ko abayobozi bacu aribo bagiye kwikuriramo inyungu.

Hera kuri Girinka ihabwa ufite amafaranga, nkanjye urabona nta kazi ngira ariko nagiye kugasaba Gitifu w’akagari ka Kigabiro muri VUP antera utwatsi, ikibabaza nta n’ubwo utakamba ngo bakumve. Barakamfitiye ushinzwe iterambere muri Kigabiro we iyo uvuze arakubwira ngo ujye gushakira ahandi imyanya yarashize, mbese ubu twarumiwe, nibareke abayobozi bakirire ku bakene n’abakire bajye babisangira nabo”.

Guverineri w’Intara y’Amajyaruguru Bosenibamwe Aime mu kiganiro yagiranye n’abanyamakuru, yagize ati:“Ni byo ko mu Ntara y’Amajyaruguru harimo bamwe mu bayobozi batari inyangamugayo bahemutse muri gahunda y’ubudehe, Girinka, na VUP.

Ibi akaba ari ibintu tugikurikirana gusa abanyamakuru bihangane tuzabatangariza imibare yose mu Ntara mu minsi iri imbere”.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Nyamasheke:Barashimira Jeannette Kagame wubakiye abana babo urugo mbonezamikurire
Nyamasheke:Barashimira Jeannette Kagame wubakiye abana babo urugo mbonezamikurire

Abaturage b’akagari ka Rugali, mu murenge wa Cyato, mu karere ka Nyamasheke, barashimira cyane Madamu Jeannette Kagame wubakiye abana babo urugo mbonezamikurire, ubu bakaba biga neza amashuri (...)

Rusizi:Bifuza ko Laboratwari  imaze imyaka 10 yubakwa yuzura vuba
Rusizi:Bifuza ko Laboratwari imaze imyaka 10 yubakwa yuzura vuba

Ababyeyi, abarezi n’abanyeshuri bo muri TTC Mururu mu karere ka Rusizi, barasaba ko muri uyu mwaka w’amashuri hakorwa ibishoboka byose Laboratwari yabo imaze imyaka 10 yubakwa igatangira kubyazwa (...)

Nyamasheke:Uruganda rutunganya icyayi abahinzi bijejwe ruruzura mu mezi 5
Nyamasheke:Uruganda rutunganya icyayi abahinzi bijejwe ruruzura mu mezi 5

Hari hashize imyaka igera kuri 6 abahinzi b’icyayi bibumibye muri koperative y’abahinzi b’icyayi ba COTHEGA bagihinga mu mirenge ya Karambi na Cyato mu karere ka Nyamasheke, kitababyarira umusaruro (...)

Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.