Advertisement
 
 
 
 
 
 
 
 

Amakuru | Mu Ntara | Intara

Musanze: Ababyeyi barya inyama abana bagatahira kunywa umufa   

  Yanditswe na NGABOYABAHIZI PROTAIS
 July 2016

 
 

Mu karere ka Musanze hari abagifite umuco bakomora ku bakurambere, aho ngo iyo batetse inyama ziribwa n’ababyeyi gusa, abana bagatahira kunywa umufa.

Uyu muco ariko aba baturage ntibawemeranyaho n’abajyanama b’ubuzima, bavuga ko umwana nawe aba akeneye akanyama, kuko nako kabumbatiye zimwe mu ntungamubiri aba akeneye ngo akure neza.

Umwe mu bana baganiriye n’Imvaho Nshya, yeruye ko iyo iwabo batetse inyama, ba nyina bababwira ko bagomba kwitondera ‘inkono ya Dadi (daddy)’.

Yagize ati:“Twebwe tubona Papa ari we warura iyo batetse inyama, mbese mama arateka yarangiza akazana isafuriya Papa akagenda adukoreramo inyama …akaguha inyama ikomeye ku buryo ikunanira akaguha isosi ukarisha ibirayi ukaryama”.

Undi mwana utuye umudugudu wa Susa, akagari ka Ruhengeri akaba yiga mu mwaka wa 3 w’amashuri yisumbuye, yahaye ubuhamya iki kinyamakuru agaragaza ko yakuze abona iwabo bamuha umufa gusa.

Yagize ati:“Njyewe mu myaka 13 mfite ntabwo twigeze duhabwa inyama, oya ni ukuduha isosi gusa kuko agakono ka papa ni ikitonderwa, ushobora kubirengaho ugakubitwa, gusa njye kubera ko maze kumenya ubwenge njya kwigurira akabenzi nyuma yo kubeshya papa ko hari amafaranga nkeneye”.

PNG - 899.2 kb
Inkono irimo inyama basigaye bayita Inkono ya Dad

Umwe mu bagore witwa Mundanikure Olive, yabwiye Imvaho Nshya ko iwabo hakigaragara umuco w’uko inyama ari iz’umugabo, ku buryo umugore adashobora gukinisha kuziha umwana.

Yagize ati:“Reka da! wagaburira abana bawe inyama umugabo mugakirana se? abagabo bacu turabubaha ugomba kubanza ukamuha inyama nziza, kuko abana baba bari bunywe iyo sosi, ndetse n’igikoma, urumva rero umugabo uhahira urugo kumutenguha ku kaboga ntimwakirana, ibi ni ibintu twamenyereye”.

Bangamwabo Felicite, umwe mu babyeyi akaba n’umujyanama w’ubuzima mu murenge wa Rwaza, yagize ati:“Uyu muco wo kwima abana indyo yuzuye ni mubi, ababyeyi bagomba kumva ko ahubwo umwana ari we ukeneye intungamubiri kugira ngo akure, ndasaba rero aba bafite ngo agakono bita aka Dadi, ibi babizibukira."

Yunzemo ati"Nkanjye nk’umujyanama w’ubuzima, navuga ko bimwe mu byo dushishikariza ababyeyi ari ukwita ku mikurire y’umwana kandi akura neza ari uko yariye”.

Bamwe mu bagabo bavugwaho iyi ngeso yo kwikubira inyama Imvaho Nshya yaganiriye nabo ntiberura ngo bemeze ko ibi babikora, nyamara hari na bamwe mu bagabo bagenzi babo bemeza ko iyi ngeso bita ‘mbi’ bayibaziho.

 

Comments

 
 
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Rwamagana:Abaturage basabwe kurwanya ihohoterwa rishingiye ku gitsina
Rwamagana:Abaturage basabwe kurwanya ihohoterwa rishingiye ku gitsina

Abaturage bo mu ntara y’Uburasirazuba barasabwa kurwanya ihohoterwa rishingiye ku gitsina n’irikorerwa abana, batanga amakuru y’abahohotewe ku gihe, bakanirinda kuzimangatanya ibimenyetso. Ubu ni (...)

APR FC   irasabwa intsinzi    ku mukino wa Zanaco FC
APR FC irasabwa intsinzi ku mukino wa Zanaco FC

APR FC-Zanaco FC (Amahoro-15h30) Ikipe ya APR FC irakina umukino wo kwishyura n’ikipe ya Zanaco FC yo muri Zambia mu mikino y’Afurika y’amakipe yabaye aya mbere iwayo “Total Caf Champions League (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.