Advertisement
 
 
 
 
 
 
 
 

Amakuru | Mu Ntara | Intara

Musanze:Bakuwe umutima n’umugezi wa Rwebeya wasatiriye inzu zabo   

  Yanditswe na NGABOYABAHIZI PROTAIS
 June 2016

 
 

Bamwe mu baturage baturiye umugezi wa Rwebeya mu murenge wa Muhoza mu karere ka Musanze, bavuga ko bahangayikishijwe n’uyu mugezi umaze gusatira aho batuye, ku buryo igihe imvura yakomeza kugwa ari nyinshi ubuzima bwabo bwajya mu kaga.

Bavuga ko wagiye utwara ubutaka buhoro buhoro none inzu zabo nazo zikaba zishobora gutembanwa n’umuvu niba nta gikozwe mu maguru mashya, bagasaba inzego bireba kugira icyo zabafasha mu ikemurwa ry’iki kibazo.

Ubuyobozi bw’akarere ka Musanze bwo burasaba abugarijwe kurusha abandi kuhimuka vuba na bwangu, mu gihe hagishakishwa umuti urambye kuri iki kibazo.

JPEG - 74.2 kb
Abahinzi bavuga ko uyu mugezi wa Rwebeya ubatera ubukene(Foto Ngaboyabahizi P)

Abaturage baturiye uyu mugezi wa Rwebeya bavuga ko bugarijwe kurusha abandi, ni abo mu kagari ka Ruhengeri.

Bavuga ko uyu mugezi wagiye utwara ubutaka bwari mu nkengero zawo gahoro gahoro kugeza wegereye amazu batuyemo, ndetse ukaba ubangiriza n’imyaka mu gihe imvura yabaye nyinshi, ibintu basanga bikomeje gushyira ubuzima bwabo mu kaga.

Aba baturage kandi, bavuga ko kwikemurira iki kibazo ubwabo bisa n’ibirenze ubushobozi bwabo, bagasaba izindi nzego kugira icyo zabafasha mu ikemurwa ryacyo mu buryo burambye.

Sebusuna Eliab, umwe muri aba baturage yabwiye Imvaho Nshya ko amazi ava mu birunga akarenga umugezi wa Rwemeya, akabangiriza imyaka ku buryo nko muri iki gihembwe nta musaruro biteze kubona.

Yagize ati:“Ikibazo cy’imigezi itemba ituruka mu birunga muri Musanze kimaze gutesha abatuye aka karere umutwe, idutwara abantu n’ibintu, kugeza ubwo dusigaye tubarurirwa mu batuye mu manegeka.

Nko muri iki gihembwe tugiye kuzagira inzara kubera ko iyi Rwebeya yatembanye imyaka yacu harimo ibirayi, ibishyimbo n’intoki, twebwe nta bushobozi dufite bwo gukemura iki kibazo, ahubwo ubuyobozi bwadufasha kukibonera umuti mu buryo burambye, hubakwa iriya migezi, kugira ngo ijye ibona aho imanukira itatwangirije cyangwa se ngo idutware ubuzima”.

Umuyobozi w’akarere w’akarere ka Musanze Musabyimana Jean Claude, avuga ko hari umushinga mugari wo gukemura iki kibazo n’ibindi bisa na cyo mu karere kose, cyane ko ngo aka karere gakunze kwibasirwa n’amazi aturuka mu birunga akanyura mu migezi itandukanye yangiriza abaturage, ataretse no gutwara ubuzima bwabo.

Avuga ko mu gihe uwo mushinga utaratangira gushyirwa mu bikorwa, abatuye ahantu hashyira ubuzima bwabo mu kaga, bagomba kuhimuka mu bihe bya vuba batarahura n’akaga ko kuhatakariza ubuzima.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.