Advertisement
 
 
 
 
 
 
 
 

Amakuru | Mu Ntara | Intara

Musanze: Babonera ibisubizo n’imigisha ku gasozi ka ‘Ndabirambiwe’   

  Yanditswe na NGABOYABAHIZI PROTAIS
 5 months ago

 
 

Abaturage bo mu madini n’amatorero atandukanye bemeza ko basubirizwa mu masengesho baza kuvugira ku gasozi bita ‘Ndabirambiwe’ kari mu kagari ka Cyabararika umurenge wa Muhoza, akarere ka Musanze

Abahasengeye bose bemeza ko iyo umuntu afashe igihe akaza kuhasengera abishyize ku mutima abona ibisubizo.

Agasozi ka Ndabirambiwe kiswe iri zina kubera ko ngo iyo umuntu yumva ibibazo bimurenze (bimurambiye) akazamuka yagera mu mpinga yako ahantu hiherereye, akabwira Imana ibibazo bye ahava abonye ibisubizo dore ko ngo haba hari n’abanyempano basenga.

Nayituriki Theogene yagize ati “Aka gasozi benshi bakaboneraho ibisubizo bikomoka ku Mana, nk’ubu njye naturutse mu murenge wa Busogo, nari umusinzi nakubitaga umugore wanjye uko bwije. Maze umwaka mfata umwanya nkaza gusengera hano, nta muyobozi uhari, ariko hari uyobowe n’Imana wigisha ijambo ry’Imana, nyuma y’iryo jambo buri wese agenda akuramo igisubizo cy’ibibazo bye, maze umwaka rero naragaruye umutekano mu rugo iwanjye mbikomoye kuri aka gasozi ka Ndabirambiwe”.

JPEG - 128.7 kb
Bamwe mu basengera ku gasozi ka Ndabirambiwe abenshi ni abagore(foto Ngaboyabahizi P).

Abaturutse kure y’aka gasozi, bagasimburanaho n’abagaturiye, kuko nabo birirwa mu mirimo, bayirangiza bakaza kuhasengera.

Umwe mu basore uvuga ko yari mu bayogoje umujyi wa Musanze apfumura amazu atandukanye yagize ati “Nahoze ndi umujura kabuhariwe, narebaga urugi rukinguye nkiba, nafatiwe kenshi mu ngo z’abandi mu busambanyi yemwe hari n’umugabo wari ugiye kuntemera mu nzu ye.”

Akomeza avuga ko yakoze ibibi byinshi birimo kwambura abagore amasakoshi yabo, no kunywa urumogi.

Ati “Nyuma y’ibyo byose maze amezi atandatu mbonye imigisha yo gucika kuri uwo muco wari warangize imbata kuko nari narananiranye muri byose, nafunzwe inshuro nyinshi mu bigo ngororamuco, yemwe n’Iwawa narahajyanywe. Numva aka gasozi gafite akamaro kuko kubera Imana narahahindukiye”.

Umwe mu bayobozi b’itorero waganiriye n’Imvaho Nshya, Pasiteri Ndabarinze Jean Bosco yavuze ko koko gusenga no kwizera bituma haba impinduka mu mibanire ya muntu na bagenzi be ko nta gushidikanya ko isengesho rihindura byose, ariko asaba abaturage gukora aho kwirwa mu masengesho igihe cyose.

 

Comments

 
 
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe

Ubuyobozi bw’akarere ka Ngoma buvuga ko bwohereje agagenzuzi gukurikirana ikibazo cy’abaturage bavuga ko bahawe akazi ko kubaka ibiro by’akagari k’Akagarama ntibishyurwe. Aba baturage bo mu (...)

Rusizi:Imvura yashenye ibiro by’akagari yangiza n’imyaka y’abaturage
Rusizi:Imvura yashenye ibiro by’akagari yangiza n’imyaka y’abaturage

Ubuyobozi bw’umurenge wa Nyakarenzo mu karere ka Rusizi buravuga ko imvura ivanze n’urubura n’umuyaga mwinshi yaguye kuwa kabiri, yashenye ku buryo bukomeye ibiro by’akagari ka Gatare muri uyu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.