Advertisement
 
 
 
 
 
 
 
 

Amakuru | Mu Ntara | Intara

Musanze:Abayobozi ba ‘KORA’ baketswe amababa mu inyerezwa rya miliyoni 12   

  Yanditswe na NGABOYABAHIZI PROTAIS
 July 2016

 
 

Abagize koperative KORA y’abacuzi, ababaji, abakora inkweto n’ubundi bukorikori bo mu mujyi wa Musanze, kuri ubu bararira ayo kwarika kubera igihombo bemeza ko batewe n’ubuyobozi bwabo, aho bagaragaza ko bwanyereje asaga miliyoni 12, magingo aya bakaba batazi irengero ryayo.

Abanyamuryang ba KORA bavuga ko batakambiye inzego zitandukanye uhereye ku karere, Intara, itangazamakuru, ariko ngo umuyobozi wa KORA Musanze Munyarubibi Leonard, yakomeje kubayobora mu buryo batemeranyaho.

Niyonsaba Veneranda, umwe mu banyamuryango ba KORA, akaba ari umucuzi yagize ati:“Umuyobozi wacu Munyarubibi n’abo bakorana bakoresheje amafaranga mu buryo budasobanutse, harimo gutanga amasoko uko yishakiye, kurigisa ibitabo by’umutungo, no kuba we ubwe akoresha amafaranga avuga ko adahembwa.

We ubwe akavuga ko adashobora kwishyura ayo akekwaho.Ikindi kandi iyi koperative yinjiza amafaranga menshi ariko umunyamuryango ntabone inyungu.”

Uyu munyamuryango akomeza avuga ko guhera mu 2003 kuva yakwinjira muri Kora nta nyungu arabonamo, akaba asaba ubuyobozi kubafasha kugaruza umutungo wa Kora.

Munyarubibi, umuyobozi wa Kora ari nawe ushyirwa mu majwi mu kurigisa umutungo wa koperative, yemera ko koko habaye imicungire mibi y’umutungo, gusa amakosa akayashyira ku banyamuryango.

Yagize ati:“Nemera koko ko habaye imicungire mibi y’umutungo wa Kora, ariko niba hari amafaranga bavuga ko yabuze ni uburangare bw’abanyamuryango.
Hari amafaranga agera kuri miliyoni bavuga ko nihaye, ntabwo nshobora kuyishyura, kuko ntabwo nirirwa ngenda ndi mu butumwa bwa Kora ngo maze mviremo aho cyane ko nta gihembo ngenerwa.

Ku byerekeye konti yo muri RIM ntabwo ari iya Kora Musanze, ahubwo ni iya Kora yo mu rwego rw’igihugu bityo rero nta burenganzira Kora ya Musanze ifite bwo kuyimenya.Abita Kora ikiryabarezi urumva nyine ubwo bafite aho babikura gusa njye ntabyo nzi, kandi ndumva ubu ikibazo kiri mu nzira yo kubonerwa umuti mu nama dutegura mu minsi iri imbere”.

Umukozi w’akarere ka Musanze ushinzwe amakoperative Musabyimana Samuel, ahamya ko hari gukorwa igenzura muri iyi koperative, ngo bamenye ukuri ku makuru y’inyerezwa ry’umutungo avugwa muri iyi koperative.

Yagize ati:“Hakozwe ibiganiro byinshi n’abayobozi ba Kora yemwe n’Intara yabigiyemo, ariko ikiri gukorwa ni igenzura kandi ryaratangiye, k’uburyo mu minsi iri imbere iki kibazo kizava mu nzira. Bigaragara koko ko habayeho gucunga umutungo mu buryo butumvikanyweho, ubundi hakabura ibimenyetso birimo inyandiko z’icungamutungo”.

 

Comments

 
 
Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.