Advertisement
 
 
 
 
 
 
 
 

Amakuru | Mu Ntara | Intara

Musanze:Abaturage bayobewe abarara batera urufaya rw’amabuye ku nzu zabo   

  Yanditswe na NGABOYABAHIZI PROTAIS
 2 months ago

 
 

Bamwe mu baturage bo mu mudugudu wa Susa, akagari ka Ruhengeri, mu murenge wa Muhoza, batewe impungenge n’amabuye arara yihondagura hejuru y’inzu zabo batazi aho akomoka.

Ubuyobozi bw’akagari ka Ruhengeri bwemeza ko ibi bintu bijya biba, ariko ngo iyo bakoze amarondo, ibyo bintu ntibyongera kuba, ngo kandi ntabwo ari bwo bwa mbere bibaye muri uyu mudugudu.

Aya mabuye abaturage bemeza ko aza ari ngarukamwaka, ngo atangira kwihondagura ku mazu yabo mu gihe cya saa moya z’ijoro akagera saa tatu, kandi ngo ayo mabuye aza atose.

JPEG - 351.2 kb
Hakizimana Claudien yerekana amabuye yagiye atoragura yatewe ku nzu ye nijoro (Foto: Ngaboyabahizi Protais)

Bamwe muri aba baturage bakeka ko yaba ari amadayimoni, cyangwa se izindi mbaraga zifite aho zikomoka nko mu myuka mibi.

Habimana Claudien, umwe mu baturage bafite iki kibazo yagize ati “Amabuye yihondagura ku mazu yacu nijoro, aza buri gihe mu kwezi kwa cumi, byatangiye mu mwaka wa 2001, inzego z’umutekano zahapanze amarondo, inshuro imwe zihari nibwo aya mabuye yongeye kugaruka kwihonda ku mazu.

Ariko byageze aho biracogora, amazu yacu ubu amabati yarapfumaguritse, abana ndetse n’abantu bakuru ntidusinzira, nkeka ko ahari ari amadayimoni kuko iyo tumaze gusengera hano ayo mabuye ntagaruka, ubu twabuze uko tubigenza, ahubwo ubuyobozi bukaze amarondo”.

Sibomana Elie, umukuru w’umudugudu wa Susa na we amabuye yitura hejuru y’inzu ye.

Mu kiganiro n’Imvaho Nshya yagize ati “Nkeka ko hari bamwe mu baturage baba bashaka guhungabanya umutekano, nkanjye nkeka ko biterwa na bamwe mu baturage mba nafatiye ibyemezo bagashaka kunyihimuraho.

Ibi kandi ntibishobora kunca intege nzakomeza mparanire ukuri, naho abatera ubwoba abayobozi batera amabuye ku nzu byo ntacyo bazageraho, tuzaharanira ukuri, amashitani bavuga ko ari yo atera amabuye ni ikinyoma cyambaye ubusa”.

Umunyamabanga nshingwabikorwa w’akagari ka Ruhengeri, Umubyeyi Josianne, na we ashimangira koko ko amabuye aterwa ku mazu y’abaturage, ariko ntiyemeranya n’abavuga ko ari amashitani yibasiye bariya baturage.

Yagize ati “Ibi no mu mwaka wa 2013 byarabaye hano ariko dushyizeho amarondo ibi biracogora, ubu rero ubwo byagarutse nanone tugiye gushyiraho amarondo twongera n’umubare w’abarikora, kuko bishoboka ko haba hari ababyihishe inyuma mu guhungabanya umutekano”.

Uyu muyobozi arasaba abaturage gutuza no gutanga amakuru kugira ngo ibi bintu bicike n’ababa babyihishe inyuma babihanirwe, kandi bikuremo umuco wo kugendera ku byahise baha umwanya amashitani kuko hari ababyuririraho bakarya utwabo ngo barabaragurira.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.