Advertisement
 
 
 
 
 
 
 
 

Amakuru | Mu Ntara | Intara

Musanze:Abaturage bamaze imyaka 3 bishyuza rwiyemezamirimo   

  Yanditswe na NGABOYABAHIZI PROTAIS
 August 2016

 
 

Ba nyakabyizi bagera kuri 25 bakoraga isuku mu gice cya Parike y’ibirunga, bavuga ko rwiyemezamirimo wabahaye akazi yabambuye amafaranga yabo agera kuri miliyoni ebyiri, ubu imyaka ikaba ibaye itatu bakiyategereje.

Igisa n’igiteye urujijo aba baturage ni uko ikibazo cyabo rwiyemezamirimo wakagombye kubishyura ahindukira akavuga ko ibijyanye n’amafaranga bagomba kwishyurwa bikwiye kubazwa RDB yamuhaye akazi ntimwishyure, agashimangira ko iki kibazo cyamurenze.

Umwe mu bagore bakoreye uyu rwiyemezamirimo wahaye aba baturage isoko, Mukasafari Germaine, yagaragaje akababaro yatewe no kuba yarambuwe amafaranga yakoreye igihe kinini.

Yagize ati:“Birababaje kubyuka igicuku ukora urugendo ujya ku kazi wizeye guhembwa ukamara amezi 4, udahembwe yemwe n’imyaka 3 ikarangira.

JPEG - 98.9 kb
Aba ni bamwe mu bakoraga isuku bishyuza rwiyemezamirimo (Foto Ngaboyabahizi P)

Ibi byatumye umugabo wanjye dushwana kubera imyenda nagiye mfata hirya no hino, ba nyirayo ntibabyihanganire bagahora babyukira ku muryango baje kunyishyuza.

Rwose twaratereranwe kubona RDB izi rwiyemezamirimo ikaba itaramudushakiye ngo aduhembe, urabona amafaranga ibihumbi 120 yanyambuye afite icyo yari kungezaho, ndasaba ko nahabwa ariya mafaranga kugira ngo nikenure.”

Aba baturage uko bagera kuri 25, bahamya ko nibura rwiyemezamirimo yabambuye amafaranga agera kuri miliyoni 2.

Rwiyemezamirimo wa Enviro Clenas International, Niyonzima Jean Claude, ku murongo wa telefone, yemereye Imvaho Nshya ko ikibazo cy’aba baturage bavuga ko bambuwe kizwi, gusa asobanura ko gikwiye kubazwa RDB.

Yagize ati:“Ikibazo cyo kuba hari abakozi bambuwe na Kampani yacu koko kirahari, ariko nanone cyabazwa RDB yo yaduhaye isoko, igatinda kuduhemba kandi idushora mu nguzanyo ya Banki tugura ibikoresho.

Twagiranye amasezerano mu mwaka wa 2013, ariko mu mu mezi 7 twari tugejejeyo yaduhembye amezi 3, ibi bitubera ibibazo kuko na banki yayanyujijeho yahise iyiyishyura, ubwo abakozi guhembwa biba birahagaze, barigaragambya RDB ibireba, ahubwo aho gukemura ikibazo iturega muri RPTA “Ikigo cy’igihugu gikuriye amasoko ya Leta).

None ubu Kampani irafunze, none twakwishyura dute? Nandikiye umuyobozi wa RDB arinumira nta kundi nabigenza nanjye byarandenze, ikibazo kizakemurwa nayo”.

Gusa uyu mugabo n’ubwo aba banyakabyizi bamwishuza amafaranga agera kuri miliyoni 2, we iyo umubajije ayo yaba abarimo, yirinda kugira icyo abivugaho.

Umuyobozi mukuru ushinzwe ubukerarugendo muri RDB, Kaliza Belise, yavuze ko iki kibazo batari bakizi, ariko ngo noneho bagiye kugikurikirana nyuma yo kubiganiraho na rwiyemezamirimo harebwe uko bariya baturage bakwishyurwa.

 

Comments

 
 
Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.