2017-08-18 14:28:59 clouds 27o High | Kigali Rwanda

Dukurikire:
 
 

Musanze: Abanyabukorikori barashinja umuyobozi wa koperative yabo kunyereza umutungo

Yanditswe na IMVAHO NSHYA

Kuya 2016-06-14 13:26:24

 
Share on:
 
Yasuwe:2
 
Yavuzweho:200
 
10
 
10

Abanyamuryango ba Koperative KORA imwe mu zikora ubukorikori mu karere ka Musanze, n’abashoyemo imari bose hamwe bagera kuri 300 baratangaza ko mu gihe kigera ku myaka 3 batazi imicungire y’umutungo wabo.

Basaba ko umuyobozi umaze imyaka isaga 10 ayiyoboye yahindurwa kuko batishimira imikorere ye.

Umwe mu banyamuryango b’iyi Koperative Maniraguha Pierre Celestin yagize ati “Ninjiye muri iyi Koperative muri 2004, ariko ntabwo nzi uko yunguka, n’uko ihomba. Ntabwo tujya tumenya uburyo amafaranga yacu acungwa, ikindi kibazo kirimo gikomeye ni ukubona umuyobozi wa Kora ari umwe kuva mu myaka 10 irenga atuyobora kandi nabi akoresha icyo umuntu yakwita igitugu”.

Uyu muyobozi w’iyi koperative, Maniraguha avuga ko atabayobora neza, yirukana uko ashaka, agaca amande n’ibindi.

Aba banyamuryango icyo bahurizaho ngo ni uko bakora basubira inyuma aho gutera imbere. Bavuga ko nta muntu ushobora gufata ingwate muri Banki kuko aba yizeye ko ashobora kwirukanwa isaha n’isaha muri koperative.

Uyu muyobozi, Munyarubibi Leonard avuga ko ikibazo cy’imicungire mibi bamushinja kizasobanuka mu nama yenda kubahuza.

Yagize ati: “Ni byo koko muri iyi koperative harimo ibibazo bigendanye n’icungamutungo, ariko rero kimwe n’ibindi abanyamuryango bavuga ndizera ko bizasuzumirwa mu nama rusange turi gutegura mu minsi iri imbere; nkaba nsanga rero nyuma y’ibi bagaragaza kimwe n’ibindi batavuze bizagaragarira muri iyo nama”.

Umuyobozi w’Akarere ka Musanze Musabyimana Jean Claude yavuze ko ikibazo ubuyobozi bw’akarere bwari buzi , ari ikijyanye n’imiyoborere butari buzi ikijyanye n’umutungo ariko ngo bagiye kubegera babagire inama barebe ko ibibazo bafite byakemuka.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE