Advertisement
 
 
 
 
 
 
 
 

Amakuru | Mu Ntara | Intara

Musanze:Abagenzi barinubira bamwe mu banyonzi babanukira   

  Yanditswe na NGABOYABAHIZI PROTAIS
 August 2016

 
 

Bamwe mu baturage bifashisha amagare mu ngendo mu mujyi wa Musanze, baratangaza ko babangamiwe n’umwanda ugaragara kuri bamwe mu banyonzi b’amagare.

Abagenzi baganiriye n’Imvaho Nshya bagaragaje ko hari bamwe mu banyonzi baba bafite impumuro mbi kuko batajya bamesa imyenda bakorana.

JPEG - 82.9 kb
Isuku ya bamwe mu banyonzi irakemangwa (Foto Ngaboyabahizi P)

Senzira Jean Damascene, umwe mu bakunze gutega amagare muri uyu mujyi, avuga ko ikibazo cy’umwanda kiri ku banyonzi benshi, agasaba ko bakwikubita agashyi kuko umwanda utabahesha icyubahiro.

Yagize ati “Abanyonzi rwose usanga babangamiye abagenzi, tekereza kugenda ku igare ukahava wahaze ibitabi n’amoko y’inzoga anyuranye, ntunywa ariko uvuye ku igare wasinze, ikindi kibi nanone giteye agahinda ni ukubona umuntu w’umusore adakaraba, inzara zarashukuye, agenda akunukira, nibaza rero icyo ababishinzwe babikoraho”.

Iyo uganiriye na bamwe mu banyonzi bo muri aka karere bakubwira ko nabo basanga hari bamwe muri bo bagaragaraho isuku nkeya.

Munyemana Faustin, yagize ati:“Ni byo koko hari bamwe mu banyonzi usanga bigaragara ko batagira isuku, na we ujya kubona ugasanga umunyonzi yambaye umwambaro ntumenye amabara yawo kubera ibyuya.

Hari n’abandi ugeraho ugasanga bafite impumuro mbi kubera icyuya nanone.Ibi rero numva byagombye guhinduka kuko umunyonzi ni umuntu uhura n’abantu benshi, akwiye rero kwiyitaho arangwa n’isuku, numva ariko nanone bikwiye ko abarangwaho umwanda bajya bafatirwa ibihano”.

Ukuriye koperative y’abanyonzi mu karere ka Musanze Ngayaberura Casmir, yavuze ko koko hari abanyonzi mu mujyi wa Musanze bagaragaraho umwanda, ariko ngo baba baturutse mu tundi turere duhana imbibi na Musanze harimo Nyabihu, Burera na Gakenke, ibi rero ngo bagiye kubiganiraho n’abandi bayobozi b’amakoperetive yo muri utu turere.

Umuyobozi w’akarere ka Musanze Musabyimana Jean Claude yagize ati:“Umujyi wa Musanze ugendwamo n’abantu b’ingeri nyinshi, abawutuye n’abawugenda nabo turabashishikariza kugira isuku kuko ni inkingi y’umutekano n’iterambere.

Umwanda ukomokaho indwara nyinshi zitandukanye, bamwe mu banyonzi rero baba bagifite umuco mubi w’umwanda tugiye gukomeza gukora ubukangurambaga tubibutsa akamaro kanini k’isuku”.

Umujyi wa Musanze ubwawo kuri ubu ubarurirwamo abanyonzi b’amagare bagera ku 2400, bibumbiye muri koperetive zitandukanye.

 

Comments

 
 
Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.