Advertisement
 
 
 
 
 
 
 
 

Amakuru | Mu Ntara | Intara

Muhanga:Yagurishije inka ya Girinka, arangije aratabaza ngo bayimwibye   

  Yanditswe na MUHIZI ELISÉE
 4 months ago

 
 

Mpongembite Théogène, utuye mu mudugudu wa Nyabingo, Akagari ka Kini mu murenge wa Shyogwe mu Karere ka Muhanga, akurikiranweho kugurisha inka yahawe muri gahunda ya Girinka, yarangiza akavuza induru abeshya ko bayimwibye.

Mu kiganiro Mpongempite yagiranye n’Imvaho Nshya, yasobanuye ko yahawe inka muri gahunda ya Girinka, nyuma y’uko bayambuye undi muturage mugenzi we, utari ku rutonde, ibi bikaba byarakozwe bisanzwe n’abandi baturage bagenzi be.

Mpongempite avuga ko mu minsi yari amaranye iyi nka yumvaga igiye gukemura ibibazo by’imibereho mibi mu muryango we.

JPEG - 260.4 kb
Mpongempite ukurikiranweho kugurisha inka yahawe muri gahunda ya Girinka (Foto Muhizi E)

Icyakora ngo yaje guhura n’ikibazo cy’uburwayi bihurirana n’uko umugore we ari hafi kubyara adafite amafaranga y’imyiteguro yo kumujyana kwa muganga, yigira inama yo kuyigurisha yirengagije akamaro kanini n’amabwiriza agenga gahunda ya Girinka, ayigurisha ibihumbi 80 by’amafaranga y’u Rwanda.

Mpongembite akomeza avuga ko yabyutse kare ayijyana ku muntu bari basezeranye, bityo amuha amafaranga atangira kuyakemuza bimwe mu bibazo yumvaga byihutirwa.

Yagize ati:«Nafashe icyemezo cyo kuyigurisha ngasagura amafaranga make ngomba kuguramo indi nka nzasimbuza iyo nagurishije, ariko ndicuza kuba nakoze ayo makosa.»

Mukabaziga Mélanie, umugore wa Mpongempite, asobanura ko ibyo uyu mugabo we yakoze batigeze babyemeranyaho, ndetse akanagaragaza ko n’impamvu atanga zidahuye n’ukuri.

Mukabaziga yakomeje avuga ko umugabo yamusabye ko bagurisha iri tungo kubera amafaranga y’ishyirahamwe yari abereyemo abanyamuryango, ndetse ngo akishyurira n’umuryango we amafaranga y’ubwisungane mu kwivuza, ariko we abitera utwatsi, amubwira ko bidashoboka kugurisha inka bahawe muri gahunda ya Girinka.

Uyu mubyeyi avuga ko bwakeye mu gitondo kare asanga inka itari mu kiraro cyayo, abimubajije amwemerera ko yayigurishije.

Mugunga Jean Baptiste, Umunyamabanga Nshigwabikorwa w’umurenge wa Shyogwe, avuga ko aho amariye kuyigurisha, yahise atabaza ko abajura bayibye, bahuruye basanga hari ahantu mu kiraro cy’iyi nka yasenye kugira ngo agaragaze ikimenyetso ko yibwe.

Gitifu Mugunga avuga ko basuzumye bagasanga yayigurishije, akavuga ko icyaha kiramutse kimuhamye uwaguze iyi nka yayamburwa.

Ati:«N’ubundi yayihawe ari uko bayambuye mugenzi we, kuba yayigurishije hagiye gukurikizwa amategeko asanzwe agenga gahunda ya Girinka.»

Kugeza ubu inka uyu muturage yagurishije ntiraboneka, ndetse ngo mu bugenzuzi bwakozwe basanze asigaranye amafaranga ibihumbi 75 yonyine.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.