2017-06-28 15:02:12 clouds 27o High | Kigali Rwanda

Dukurikire:
 
 

Muhanga:RURA yasabye abamotari kwibumbira mu makoperative

Yanditswe na IMVAHO NSHYA

Kuya 2017-06-08 05:30:37

 
Share on:
 
Yasuwe:30
 
Yavuzweho:200
 
10
 
10

Ikigo gishinzwe kugenzura imikorere y’inzego z’imwe z’imirimo ifitiye igihugu akamaro (RURA) cyasabye abamotari bakorera mu kajagari kwibumbira mu makoperative, mu rwego rwo kurushaho kwiteza imbere.

Mu biganiro abayobozi ba RURA bagiranye n’abamotari bo mu mujyi wa Muhanga, Umuvugizi w’iki kigo Antony Kuramba yasabye abakora uyu mwuga kudakora nka ba nyamwigendaho, ahubwo bakibumbira mu makoperative kuko ari bwo buryo bwonyine bwatuma babasha kwiteza imbere.

Uyu muyobozi yabahaye ingero z’amakoperative y’abamotari akora neza cyane mu karere ka Rusizi, aho abamotari bamaze kuzuza inzu y’igorofa kuri ubu bakaba badategereza amafaranga bakura mu kazi ko gutwara abagenzi gusa, ahubwo inyungu nini babona ituruka ku misanzu bagiye batanga yo kubaka iyo nzu igezweho.

Yagize ati “Twasuzumye dusanga benshi mu bakora akazi ko gutwara abagenzi muri mwe batagira ibyangombwa bibemerera gukora ako kazi, kandi abandi babeshya ko hari amakoperative babarizwamo, ayo bavuga ni baringa nta bwo yujuje ibyangombwa bisabwa, ayo ni yo twiteguye gufasha kugira ngo akore neza yitwa amakoperative.»

JPEG - 355.7 kb
Antony Kuramba, Umuvugizi wa RURA yasabye abamotari kwibumbira mu makoperative

Hakizimana Védaste, umwe mu bari bakuriye koperative yakoraga nta byangombwa ifite, avuga kobari bafite abanyamuryango batarenga 60, akavuga ko bagiye kureba uko uyu mubare w’abafite moto wiyongera kugira ngo babone guhabwa ibyangombwa bitangwa na RURA, ndetse n’ibyo ikigo gishinzwe guteza imbere amakoperative (RCA) gitanga.

Uwamariya Béatrice, umuyobozi w’akarere ka Muhanga, yabwiye aba bamotari ko ko bibabaje kuba hari imishinga minini abikorera batangiye kubaka muri uyu mujyi wa Muhanga, ariko abamotari bakaba nta n’umwe bari batangamo imigabane kandi bakorera amafaranga atari make ku munsi ndetse no mu kwezi.

Yagize ati “Abikorera barimo kubaka isoko rya kijyambere, gare, n’agakiriro, iyi mishinga yose nta mugabane wanyu urimo, muramutse mushyizeho igaraje rigezweho twabatera inkunga nk’akarere cyangwa mukareba ikindi gikorwa cyinjiza amafaranga menshi mukora, kubera ko mufite imbaraga.»

Kugira ngo koperative ibashe gukora neza isabwa kugira nibura moto 100 kuzamura. Amakoperative 2 ni yo RURA yasanze akora atujuje ibyangombwa ndetse akaba yari afite moto n’abanyamuryango bagera kuri 60.

MUHIZI ELISEE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE