Advertisement
 
 
 
 
 
 
 
 

Amakuru | Mu Ntara | Intara

Muhanga:Isosiyete yubaka biyogaze yambuye abaturage miliyoni 30   

  Yanditswe na MUHIZI ELISÉE
 May 2016

 
 

Abaturage mirongo itanu bo mu murenge wa Rongi mu karere ka Muhanga, bagaragarije Guverineri w’Intara y’Amajyepfo Munyantwali Alphonse, ko bakoreye isosiyete yubakaga biyogaze, ibagezemo imishahara y’amafaranga miliyoni 30 bategereza ko bishyurwa baraheba.

Hashize imyaka itatu aba baturage bambuwe n’iyi sosiyete yari ifite isoko ryo kubaka biyogazi hirya no hino mu tugari n’imidugudu tugize umurenge wa Rongi.

Aba baturage baragararije ubuyobozi ko iyi sosiyete yahaye akazi aba baturage uko ari mirongo itanu ikabizeza ko izajya ibishyura amafaranga bakoreye, ariko ngo imyaka itatu ishize batarabona ayo bakoreye.

JPEG - 383.8 kb
Nzabonimpa Eulade, umwe mu baturage bambuwe na Rwiyemezamirimo wubakaga biyogaze i Rongi (Foto Muhizi E)

Nzabonimpa Eulade, wo mu murenge wa Rongi, avuga ko kuba barakoreye iyi sisiyete ikabambura byamuteje igihombo kinini, kubera ko muri iki gihe yamaze ayikorera nta kandi kazi yigeze akora, ndetse bigera nubwo afata imyenda y’abandi baturage ababwira ko azabishyura iyi sosiyete nimwishyura.

Yagize ati:«Tumaze imyaka itatu dutegereje ko tugiye kwishyurwa, ariko amaso yaheze mu kirere kandi twandikiye ubuyobozi bw’umurenge nta gisubizo turabona.»

Ntagisanimana Jean Claude, Umunyamabanga Nshingwabikorwa w’umurenge wa Rongi, yasobanuye ko gutinda kwishyura aba baturage byatewe nuko rwiyemezamirimo yahise atabwa muri yombi ashinjwa amakosa atandukanye, harimo no kudashyira mu bikorwa amasezerano y’amasoko yagiye atsindira.

Uyu muyobozi yakomeje avuga ko bari kuvugana n’ikigo cy’igihugu gishinzwe ibidukikije (REMA) kugira ngo cyishyure aba baturage.

Guverineri w’Intara y’Amajyepfo Munyantwali Alphonse, yahumurije aba baturage, abizeza ko hari amafaranga uyu rwiyemezamirimo adakwiriye guhabwa, ahubwo akaba ariyo afatirwa ku buryo yishyurwa abamukoreye ntabishyure.

Guverineri Munyantwali yongeyeho ko hari bamwe muri ba rwiyemezamirimo bagize umuco kutishyura abaturage baba babafashije gushyira mu bikorwa imirimo y’amasoko baba baratsindiye, gusa ngo ubuyobozi bwiteguye kubakoma mu nkokora.

Yagize ati:«Turifuza ko uyu muco mubi wo kwambura abaturage bamwe muri ba rwiyemezamirimo basigaye bagaragaza, wacika.»

Muri aba baturage 50 bavuga ko bambuwe n’iyi sosiyete yubaka biyogaze, harimo n’abo ibiza biherutse kwibasira, ndetse bikabasiga iheruheru ku buryo baramutse bishyuwe ayo mafaranga bemeza ko bayagira igishoro baheraho bongera kwiyubaka bundi bushya.

Ikibazo cya ba rwiyemezamirimo batishyura abaturage bakoresha ntikiri mu ntara y’Amajyepfo, kuko no mu zindi ntara zitandukanye hatabura abataka kutishyurwa.

 

Comments

 
 
Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.