Advertisement
 
 
 
 
 
 
 
 

Amakuru | Mu Ntara | Intara

Muhanga:Imiryango irenga 4000 ituye mu manegeka   

  Yanditswe na MUHIZI ELISÉE
 18 May

 
 

Imibare itangazwa n’akarere ka Muhanga, yerekana ko ingo zirenga ibihumbi bine mu mirenge itandukanye y’aka karere zituye mu manegeka, ubuyobozi bw’Intara y’Amajyepfo bukaba busaba ko hakorwa ibishoboka byose zigatuzwa neza.

Mu cyumweru gishize ndetse no mu kwezi kwa Mata, hagaragaye imvura nyinshi yateje inkangu n’imyuzure igahitana umubare munini w’abaturage mu turere dutandukanye tw’igihugu, harimo n’abaturage bo muri aka karere ka Muhanga.

Mu mirenge yibasiriwe cyane n’inkangu ndetse igateza impungenge abatuye mu manegeka, harimo uwa Nyabinoni, Rongi, na Mushishiro, kuko ahanini irangwa n’imisozi ihanamye.

JPEG - 251.8 kb
Bamwe mu baturage bo mu murenge wa Rongi na Nyabinoni bagizweho ingaruka n’ibiza (Foto Muhizi E)

Mu kiganiro ImvahoNshya yagiranye n’umukozi mu karere ka Muhanga, ushinzwe imihanda Manirafasha Moses, yatangaje ko muri aka karere hari imiryango irenga ibihumbi bine ituye mu manegeka, ari nayo mpamvu usanga iyo ibiza bije bibangiriza ndetse rimwe na rimwe bigatwara ubuzima bw’abantu, bidasize amatungo, imirima n’ibindi bikorwa remezo.

Manirafasha yakomeje avuga ko iyi mibare ari yo mu mwaka wa 2014 kuko nta rindi barura bari bakora kugira ngo hamenyekane umubare nyawo w’abantu batuye mu manegeka, gusa uko biri kose bariyongereye kuko umubare w’abakenera gutura wazamutse cyane.

Baziruwiha Marcel, wagizweho ingaruka n’ibiza agapfusha abana be bane, ndetse n’amatungo, avuga ko mu gihe cy’imvura yumvaga afite impungenge ko izamusenyera, ariko akavuga ko uko imyaka yagiye ihita indi igataha yageze aho akumva arabimenyereye, kugeza ubwo yatunguwe Ibiza bikamuhekura.

Yagize ati:“Ndagira inama bagenzi banjye batakozweho n’ibiza ariko bagituye mu manegeka, kwihutira kuhava bakajya gutura ahandi babona ko hari umutekano.»

Munyantwali Alphonse, Guverineri w’Intara y’Amajyepfo wari wazinduwe n’igikorwa cyo gusura abagizweho ingaruka n’ibiza, yavuze ko abenshi mu baturage batuye amanegeka usanga baherereye mu mirenge ya Nyabinoni, na Rongi, imirenge avuga ko ifite imisozi ihanamye cyane.

Yagaragaje ko hari ibibanza bidatuwe kandi byiza aba baturage bagomba gutuzwamo bihereye mu mudugudu wa Muyebe.

Yagize ati:«Twaje gufata mu mugongo abakozweho n’ibiza, ari nako tubasaba ko bimuka bagatura ahantu heza.»

Abantu umunani bo mu murenge wa Nyabinoni, Rongi, na Mushishiro nibo inkangu iherutse guhitana, uretse aba, hari imiryango 113 igizwe n’abantu magana atanu itari yabona aho ituzwa kuko aho yari ituye hangijwe n’ibiza.

 

Comments

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.