Advertisement
 
 
 
 
 
 
 
 

Amakuru | Mu Ntara | Intara

Muhanga: Icyizere, konti y’inkunga yo gufasha abarokotse Jenoside   

  Yanditswe na MUHIZI ELISÉE
 April 2016

 
 

Mu gutangiza Kwibuka ku nshuro ya 22 Jenoside yakorewe Abatutsi, ubuyobozi bw’Akarere ka Muhanga bwagaragaje ko hari konti nshya bashyizeho, izajya ifasha abarokose Jenoside batishoboye kurusha abandi kwivana mu bibazo bitandukanye by’ubukene.

Kwibuka Jenoside yakorewe Abatutsi ku nshuro ya 22 byatangirijwe mu murenge wa Kibangu mu karere ka Muhanga. Umuyobozi w’aka karere Uwamariya Béatrice, avuga ko nubwo Leta ntacyo itakoze kugira ngo ifashe abarokotse Jenoside batishoboye, ariko abantu badakwiriye kwiyibagiza ko hakiri ibibazo byinshi bibazitira mu rugendo rw’iterambere.

Meya Uwamariya yavuze ko mu gukomeza gufata mu mugongo abarokotse Jenoside yakorewe Abatutsi, batekereje gufunguza konti yitwa Icyizere, kugira ngo inkunga izajya ivamo ihabwe abarokotse Jenoside, harebwa abayikeneye kurusha abandi.

Yagize ati «Ndasaba abaturage bacu bose bafite ubushobozi gufasha abarokotse Jenoside bagifite ibibazo by’imibereho.»

JPEG - 219.8 kb
Meya Uwamariya Beatrice asobanura imikoreshereze ya konti yiswe Icyizere (Foto Muhizi E)

Rutsibuka Innocent, Perezida wa IBUKA mu karere ka Muhanga, avuga ko n’ubwo uyu mwaka nta mibare y’abarokotse Jenoside badafite amacumbi bafite, ariko hari raporo bakira zituruka mu mirenge zerekana ko hari bamwe mu barokotse badafite amacumbi, ndetse ko hari n’abatuye mu manegeka bakeneye kwimurwa bagatura neza.

Ati «Hari n’abafite amacumbi ariko akenewe gusanwa, ibi bibazo byose bireba twebwe abanyarwanda kandi ni twe twagombye gufata iya mbere kugira ngo bikemuke.»

Rutsibuka yongeyeho ko n’ubwo bimeze gutyo, ntawabura kuvuga ko hari bamwe mu barokotse Jenoside bateye intambwe igaragara mu bikorwa by’iterambere, birimo gukorana n’amabanki, ndetse n’ibigo by’imari, ku buryo hari abageze ku rwego rw’abashoramari.

Perezida wa Ibuka mu murenge n’umukozi mu karere ushinzwe imibereho myiza y’abaturage, ni bo bafite uburenganzira bwo gushyira umukono ku mikoreshereze y’iyi konti. Hakaba hari na komite igizwe n’inzego zitandukanye zirimo ingabo, Polisi, AVEGA, IBUKA n’umukozi wa komisiyo y’igihugu yo kurwanya Jenoside.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.