Advertisement
 
 
 
 
 
 
 
 

Amakuru | Mu Ntara | Intara

Muhanga: Abasore n’inkumi basaga 4000 barokotse Jenoside bari mu bushomeri   

  Yanditswe na MUHIZI ELISÉE
 April 2016

 
 

Abasore n’inkumi ibihumbi bine barokotse Jenoside yakorewe abatutsi barangije kwiga amashuri yisumbuye baremerewe n’ikibazo cy’ubushomeri, magingo aya kwikemurira ibibazo bijyanye n’amafaranga bikaba bikiri ingorabahizi.

Ubwo hatangizwaga igikorwa cyo kwibuka ku nshuro ya 22 Jenoside yakorewe abatutsi, Perezida wa IBUKA mu karere ka Muhanga Rutsibuka Innocent, yabwiye abari bitabiriye uyu muhango ko hari abarokotse Jenoside bagera ku bihumbi bine barangije amashuri yisumbuye bafite ibibazo byo kuba badafite akazi, ku buryo n’icyizere cyo gukomeza amashuri makuru na kaminuza ntacyo bafite.

JPEG - 219.8 kb
Umuyobozi w’akarere ka Muhanga Uwamariya Beatrice yijeje ko ikibazo cy’ubushomeri kiri gushakirwa umuti

Rutsibuka yabitangaje ahereye ku mibereho mibi bamwe mu barokotse Jenoside bagifite nyuma y’imyaka makumyabiri n’ibiri, akavuga ko hari abo leta yagiye ifasha ikabaha amacumbi n’ubundi bufasha burimo inkunga y’ingoboka n’amafaranga ahabwa incike, ariko hakiri ibibazo bya bamwe mu banyeshuri leta yarihiriye ayisumbuye barangiza ntibabone ubundi bufasha bwo gukomeza kaminuza, ndetse bakaba badafite n’imirimo ibinjiriza amafaranga ku kwezi.

Yagize ati:«Aba banyeshuri bose baricaye, ntibafite amikoro yo gukomeza kaminuza kandi nta mirimo ibatunga bagira.»

Uwamariya Béatrice, umuyobozi w’Akarere ka Muhanga, avuga ko bagiye kureba uko babashyira mu myuga n’ubumenyingiro, kubera ko abarangije muri aya mashuri aribo bahita babona akazi mu buryo bwihuse.

Yakomeje avuga ko hari n’inkunga yihariye izajya ihabwa abafite ibibazo biremereye kurusha abandi, kuko hari na komite ishinzwe imicungire yayo bashyizeho, akizera adashidikanya ko abatazabona iyi nkunga iri kuri konti y’icyizere, bazaba bari kwiga imyuga.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.