Advertisement
 
 
 
 
 
 
 
 

Amakuru | Mu Ntara | Intara

Muhanga:Abangirijwe n’urugomero rwa Nyabarongo baracyasaba ingurane   

  Yanditswe na MUHIZI ELISÉE
 May 2016

 
 

Abaturage mirongo inani bo mu murenge wa Nyarusange mu karere ka Muhanga, batangaza ko batarahabwa amafaranga y’ingurane y’ubutaka n’imyaka yabo byangijwe n’urugomero rwa Nyabarongo, ubwo rwuzuraga.

Hashize imyaka hafi umunani aba baturage bangirijwe amasambu yabo n’urugomero rwa Nyabarongo, aya masambu yose akaba yari arimo imyaka ndetse n’amazu bari batuyemo ku nkengero z’uruzi rwa Nyabarongo, akaza kurengerwa n’amazi y’urugomero.

Bamwe muri aba baturage Leta yababaruriye imitungo ihwanye n’ibyangijwe, ariko magingo aya abandi ntibabarurirwa.

JPEG - 268.4 kb
Bamwe mu baturage bagejeje ibibazo byabo ku buyobozi mu cyumweru cyahariwe ubufasha mu mategeko (Foto Muhizi E)

Bucyensenge Jean Pierre, umwe muri aba baturage, avuga ko ishyirahamwe ryabo ryari rifite imirima mu gishanga cya Nyabarongo, aho urugomero rwuzuriye irangirika, ku buryo bababaruriye bakababwira ko iyo myaka n’isambu bifite agaciro ka miliyoni zirindwi z’amafaranga y’u Rwanda, amafaranga avuga ko ari make ugereranyije n’agaciro iyi sambu ndetse n’imyaka bifite.

Yagize ati:«Murabona ko turengana, agaciro aya mafaranga yari afite mu mwaka wa 2008 kuri ubu nibayaduha nta kintu tuzayakoresha.»

Uwamariya Béatrice, umuyobozi w’akarere ka Muhanga, avuga ko gutinda guha ingurane aba baturage byatewe n’impamvu zitandukanye, zirimo kuba hari bamwe mu baturage bagiye bibaruzaho imitungo myinshi bituma bahombya leta.

Akomeza asobanura ko hari n’abandi bashyiriwe amafaranga ku makonti, ariko bakanga kuyafata bavuga ko ari make.

Mu kiganiro yagiranye n’Imvaho Nshya, yagize ati: “Tugiye gusuzuma turebe niba ibyo aba baturage bavuga ari ukuri, kuko hari abishyuwe ariko bakavuga ko nta mafaranga babonye.»

Mu mwaka ushize wa 2015 ubuyobozi bw’akarere ka Muhanga bwavuze ko bugiye kugaruza miliyoni hafi ijana z’amafaranga y’u Rwanda, amafaranga akarere kavuga ko abaturage bariganyije leta.

 

Comments

Izina Ryanyu
IGITEKEREZO

 
 
Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Rusizi: Ubuyobozi bwahumurije abaturage bafite abana biga mu mashuri ashaje
Rusizi: Ubuyobozi bwahumurije abaturage bafite abana biga mu mashuri ashaje

Ababyeyi barerera muri GS Ntura Protestant, ishuri riri mu murenge wa Giheke mu karere ka Rusizi, bafite impungenge z’uko abana babo bagiye gutangira amashuri, ibyumba by’amashuri bigiramo bishaje (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.