Advertisement
 
 
 
 
 
 
 
 

Amakuru | Mu Ntara | Intara

Muhanga: Abana barenga 4000 bataye ishuri, bamwe baburirwa irengero   

  Yanditswe na MUHIZI ELISEE
 June 2016

 
 

Ubuyobozi bw’Akarere ka Muhanga n’abafatanyabikorwa b’aka karere batangaza ko abana barenga ibihumbi bine bataye ishuri, bamwe muri bo bagahitamo gusiga imiryango yabo bakajya mu mihanda.

Mu nama yahuje ubuyobozi bw’Akarere ka Muhanga n’abafatanyabikorwa mu iterambere ry’aka karere, hagaragajwe ko isuzuma ryakozwe ryagaragaje ko hari abana ibihumbi bine na mirongo itandatu na bane bataye amashuri, bamwe ababyeyi babo bakaba batazi aho baherereye.

Karamira Prudence, umukozi mu kigo cy’imbonezamubano n’iterambere (Bureau Social du Dévelopement), avuga ko hari igenzura baherutse gukora muri aka karere bagasanga hari abana barenga ibihumbi bine bataye amashuri.

JPEG - 146.3 kb
Meya Béatrice Uwamariya (Ibumoso) ntiyizeye neza imibare igaragaza abana bataye ishuri (Foto Muhizi E)

Karamira akavuga ko hakwiye kuba ubufatanye bw’inzego zitandukanye kugira ngo hakorwe irindi barura, bityo habashe kumenyekana abari mu miryango bataye amashuri, ndetse n’abo ababyeyi babo bavuga ko batazi aho baba baherereye.

Sibomana Joseph, umwe mu bafatanyabikorwa b’Akarere, avuga ko kuba abana batagikubitwa akanyafu, biri mu bituma birara bakagera n’ubwo bata amashuri bumva ko nta gihano bazahabwa, kijyanye n’imyitwarire mibi baba bafite.

Gusa akavuga ko na bamwe mu babyeyi batari shyashya, kuko barara barwana bityo abana babibona bagahitamo guhunga ababyeyi bumva ko kuguma mu muhanda bibarutira kuba mu rugo.

Uwamariya Béatrice, Umuyobozi w’Akarere ka Muhanga, avuga ko iyi mibare y’abana bataye amashuri itakwizerwa ijana ku ijana, kubera ko hari igihe abasibiye cyangwa abahinduye ibigo nabo babarwa nk’aho bataye amashuri.

Uyu muyobozi akomeza avuga ko umubare w’inzererezi ari wo udashobora guhinduka, kuko n’aho babarizwa mu miryango, batazi aho baba barerekeje.

Yagize ati «Iki ni ikibazo inzego zose zikwiriye guhagurukira, kandi ntabwo kiri mu karere ka Muhanga gusa.»

Mu mezi abiri ashize, ubuyobozi bw’Akarere ka Muhanga bwari bwagaragaje ko abana bataye ishuri barenga ibihumbi bibiri.

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.