Advertisement
 
 
 
 
 
 
 
 

Amakuru | Mu Ntara | Intara

Muhanga:Abana 37 bafite ubumuga ntibazi aho imiryango yabo iherereye   

  Yanditswe na MUHIZI ELISÉE
 July 2016

 
 

Mu muhango wo kwizihiza umunsi w’umwana w’umunyafurika, Mukamwezi Léoncie, Umuhuzabikorwa w’ishuri urugo rw’impuhwe, avuga ko mu banyeshuri 167 biga muri iki kigo, mirongo itatu na barindwi ari bo badafite imiryango.

Umunsi ngarukamwaka w’umwana w’umunyafurika Akarere kawizihirije mu kigo cyigirwamo n’abana bafite ubumuga butandukanye bw’ingingo, ubwo mu mutwe, ndetse n’ubukomatanyije, ikigo giherereye mu murenge wa Nyamabuye.

Mukamwezi Léoncie, Umuhuzabikorwa w’ishuri ryitwa urugo rw’impuhwe, avuga ko hari ibyo igihugu cyakoze byo guha buri mwana wese uburenganzira bwo kwiga, kandi ngo byafashije umubare munini w’abana bakomoka mu miryango ikennye kubona amashuri.

JPEG - 230.9 kb
Bamwe mu bana 37 batazi aho imiryango yabo iherereye (Foto Muhizi E)

Gusa anavuga ko hari abana 37 bafite batazi aho imiryango yabo yaba iherereye ku buryo iyo bagenzi babo bagiye mu biruhuko bo bihamira mu kigo.

Yagize ati:«Aba bana bagiye batorangurwa hirya no hino mu gihugu, ku buryo kumenya ababyeyi babo ari ikibazo kidukomereye ndetse kinabangamiye aba bana bafite ubumuga.»

Uyu muyobozi akavuga ko hari igihe kimwe usanga bigunze, ariko ko ngo bahisemo kubabera ababyeyi, gusa agasaba ko bagomba kunganirwa cyane cyane mu gihe barwaye kuko kubageza kwa muganga ari byo bibagora kurushaho.

Mukankaka Elvanie, umukozi wa Komisiyo y’Igihugu y’abana mu Karere ka Muhanga, avuga ko hari ibikorwa iyi komisiyo yatangiye cyo gukura abana b’impfubyi mu bigo, kandi ko hari umubare utari muto bamaze kugeza mu miryango.

Mukankaka akavuga ko abana bafite ubumuga bukabije bazakomeza kuba muri ibi bigo, kuko ababyeyi batahabwa ubumenyi n’ibikoresho byatuma bahabwa abana bafite ubumuga.

Yagize ati:«Tugiye gukora ubuvugizi turebe ko hari inzego zaha iri shuri imodoka ndetse no kubegereza ibikorwa by’ubuvuzi,»

Mu Karere ka Muhanga, abana 51 nibo bari mu bigo by’imfubyi, icumi n’umunani muri bo bajyanwe mu miryango.

Iri shuri ngo rihawe ubufasha butandukanye ryazamura izindi nyubako, rikakira umubare munini w’abana bafite ubumuga.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.