Advertisement
 
 
 
 
 
 
 
 

Amakuru | Mu Ntara | Intara

Muhanga:Abagabo baracyakubita abagore babo bakanabaraza hanze   

  Yanditswe na MUHIZI ELISÉE
 5 months ago

 
 

Mu rugendo itsinda ry’abadepite ryakoreye mu karere ka Muhanga, cyane cyane mu mirenge y’icyaro, Depite Nyirarukundo Ignacienne wari uyobiye iri tsinda ry’abadepite, yatangaje ko basanze hari bamwe mu bagore bagihohoterwa n’abagabo babo, asaba inzego guhagurukira iki kibazo.

Bimwe mu bibazo iri tsinda ry’abadepite ryabashije kubona, ku isonga haza ihohoterwa rikorerwa abagore, ryiganje cyane mu bice by’imirenge y’icyaro, aho abagore benshi bagikubitwa n’abo bashakanye, bikagera nubwo babaraza hanze.

Depite Nyirarukundo avuga ko aho bagiye banyura hose abagore batangaga ubuhamya ko bagikubitwa ndetse babibwira inzego z’ibanze ntizigire icyo zibikoraho, ugasanga hari bamwe mu bagabo gukubita bisa n’aho byabaye umuco.

JPEG - 167.1 kb
Abadepite basuye akarere ka Muhanga basanze abagore bagihohoterwa (Foto Muhizi E)

Iyi ntumwa ya rubanda, ikomeza ivuga ko impamvu nyamakuru ibitera, ari ubusinzi, kwiharira umutungo w’urugo, ubuharike, ndetse n’ubusambanyi, akavuga ko aba bagore bakubitwa usanga bibera mu buzima bw’amaganya, ku buryo kubabwira ibikorwa bibateza imbere batabyumva.

Yagize ati:«Nta mutekano uri mu ngo, niyo mpamvu dusaba inzego z’ibanze kurushaho kwegera abaturage kugira ngo abagifite umuco mubi nk’uyu bafatirwe ibihano.»

Uwamariya Béatrice, umuyobozi w’akarere ka Muhanga, avuga ko bagiye gushyira imbaraga mu guhangana n’iki kibazo cy’abakorerwa ihohoterwa, bahereye mu gukora ibiganiro n’ingo zibanye nabi mu midugudu, kugira ngo iyi miryango irangwamo amakimbirane isobanurirwe amategeko arebana n’ihohoterwa ndetse n’ibihano abarikora bahabwa, kandi ko rigira ingaruka mbi hagati y’abashakanye n’umuryango muri rusange.

Ati:«Tugiye kwita kuri iki kibazo cy’abagabo bahohotera abagore babo, kandi turumva ko umuti wacyo ugiye kuboneka.»

Muri rusange icyaha cyo gukubita no gukomeretsa nicyo kiza ku isonga muri aka karere ka Muhanga, gusa nta mibare yihariye y’abagabo bakubita abagore babo iri tsinda ryagaragaje.

Uretse ikibazo cy’ihohoterwa rikorerwa abagore, abadepite bavuga ko hari n’umubare muto w’abagabo bahohoterwa n’abagore, ariko bagatinya kubivuga ku mugaragaro.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.