Advertisement
 
 
 
 
 
 
 
 

Amakuru | Mu Ntara | Intara

Mu mujyi wa Rusizi babangamiwe no kutagira parikingi   

  Yanditswe na BAHUWIYONGERA SYLVESTRE
 June 2016

 
 

Umujyi wa Rusizi ukunze kugaragaramo akavuyo k’ibinyabiziga cyane cyane mu mpera z’icyumweru ubwo benshi baba baje kuharuhukira imodoka zabo zikabura aho zihagarara.

Abafite ibinyabiziga bamwe batangarije Imvaho Nshya ko iki kibazo gikomeye cyane kandi benshi bagifata nk’icyoroshye. Basanga habonetse nk’uwashora imari agashaka aho imodoka zihagarara heza hagutse, hashobora kujya imodoka nyinshi, yaba arebye kure kandi yabonamo amafaranga menshi cyane.

Rukundo Jean Paul ufite imodoka nawe muri uyu mujyi yagize ati “Maze umwanya munini nshaka aho nshyira imodoka yanjye ngo njye mu bukwe ntuje ndahabura. Iki ni ikibazo gikomeye, kubona umujyi nk’uyu uteganywa kuzunganira umujyi wa Kigali mu bwiza, umuntu ashobora kuzerereza imodoka akabura aho ayishyira koko?’’

JPEG - 245.9 kb
Imodoka usanga zihagaze mu kajagari bikaba bishobora guteza ikibazo(Foto Bahuwiyongera S).

Iki kibazo nticyinubirwa n’abafite ibinyabiziga gusa, n’abanyamabanki, abanyamaduka n’abagenzi kirabahangayikishije kuko ngo imodoka zihagarara aho zibonye zikabafungira amayira.

Umuyobozi w’aka karere Harelimana Frédéric ubwo yari mu kiganiro n’abikorera yagarutse kuri iki kibazo ashishikariza abashoramari kureba kure, uko umujyi waguka na bo bakareba ibikenewe cyane bashoramo imari, kugira ngo umujyi uzamukane ingufu impande zose.

Yagize ati “Hari byinshi bigaragara ko bikenewe cyane, kuko hari igihe umuntu agenda umujyi wose kugira ngo azabone aho ahagarika imodoka kikaba ikibazo. Nk’ubu ni ngombwa kwirirwa umuntu bababwira ko mwagombye gutekereza gushyira parikingi igezweho muri uyu mujyi koko, mutekereze kure mwubake parikingi kuko irakenewe cyane muri uyu mujyi.’’

Iki kibazo n’abageze muri uyu mujyi bwa mbere bafite ibinyabiziga bakabura aho babishyira bahita bakigaragaza, bamwe mu bikorera bakaba barabwiye Imvaho Nshya ko bakeneye inkunga y’ubuyobozi kugira ngo bashobore kubaka parikingi.

 

Comments

 
 
Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Rwamagana:Abaturage basabwe kurwanya ihohoterwa rishingiye ku gitsina
Rwamagana:Abaturage basabwe kurwanya ihohoterwa rishingiye ku gitsina

Abaturage bo mu ntara y’Uburasirazuba barasabwa kurwanya ihohoterwa rishingiye ku gitsina n’irikorerwa abana, batanga amakuru y’abahohotewe ku gihe, bakanirinda kuzimangatanya ibimenyetso. Ubu ni (...)

APR FC   irasabwa intsinzi    ku mukino wa Zanaco FC
APR FC irasabwa intsinzi ku mukino wa Zanaco FC

APR FC-Zanaco FC (Amahoro-15h30) Ikipe ya APR FC irakina umukino wo kwishyura n’ikipe ya Zanaco FC yo muri Zambia mu mikino y’Afurika y’amakipe yabaye aya mbere iwayo “Total Caf Champions League (...)

Abaturage bo mu Ngororero babaga mu manegeka bahawe inzu zirimo televiziyo
Abaturage bo mu Ngororero babaga mu manegeka bahawe inzu zirimo televiziyo

Abagize imiryango 11 yari ituye mu manegeka mu murenge wa Kabaya mu karere ka Ngororero barashimira Leta yabavanye mu kaga k’ibiza byahoraga bibasenyera ubu bakaba batuye mu nzu nziza zirimo na (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.