Advertisement
 
 
 
 
 
 
 
 

Amakuru | Mu Ntara | Intara

MIDIMAR yanenze abayobozi batekinika imibare y’abatuye mu manegeka   

  Yanditswe na MUHIZI ELISEE
 June 2016

 
 

Minisitiri w’imicungire y’ibiza n’impunzi yanenze bamwe mu bayobozi mu nzego z’ibanze batekinika imibare y’abaturage batuye mu manegeka bakavuga itariyo bigatuma igihugu gishingira ku mibare ituzuye.

Mu muhango wo gutangiza umushinga uterwa inkunga n’ishami ry’Umuryango w’Abibumbye ryita ku Miturire (UN Habitat) , ugamije kuzamura imibereho myiza y’abaturage cyane cyane batuye mu manegeka mu karere ka Ngororero, Minisitiri Mukantabana Seraphine yagarutse ku mibare itangwa n’inzego z’ibanze irebana n’abaturage batuye mu manegeka.

Yasobanuye ko bayitekinika kugira ngo bagaragaze ko hari umubare muto w’abaturage babo batuye ahantu habi, imibare avuga ko ari yo Leta iheraho kugira ngo bafashe abatuye nabi nyuma bagasanga idahuye n’ukuri.

Yagize ati “Abayobozi b’inzego z’ibanze bakwiriye kwitondera iki kibazo cy’imibare batanga kuko ituma natwe ariyo dushingiraho.”

JPEG - 222.4 kb
Mukantabana Séraphine Minisitiri w’imicungire y’ibiza n’impunzi(Muhizi E)

Umuyobozi w’Akarere ka Ngororero, Ndayambaje Godefroid, avuga ko Akarere kagiye gukora igenzura gahereye mu midugudu, mu tugali, ndetse n’imirenge, kugira ngo hazajye hatangwa imibare nyayo kandi ifitiwe icyizere.

Gusa avuga ko kugeza ubu bafite imibare itari mike y’abatuye mu manegeka ari nabo bagiye guheraho batuza ariko bakibanda ku bafite ubushobozi buke, abafite amikoro batuye nabi bakaba bagiye kubakangurira kwimuka ku bushake.

Lamine Manneh Mamadou, Umuhuzabikorwa Ibikorwa bya Loni mu Rwanda, ashimira u Rwanda kubera imiyoborere myiza irimo, irangajwe imbere na Perezida Paul Kagame ku buryo yita cyane ku buzima bw’abaturage akavuga ko Loni izakomeza gushyigikira ibikorwa bitandukanye bizamura imibereho y’abaturage.

Imibare itangwa n’akarere ka Ngororero yerekana ko abaturage ibihumbi makumyabiri na kimwe ari bo batuye mu manegeka, 1800 muri bo akaba aribo akarere gateganya gutuza.

Uyu mushinga MIDIMAR yatangije uzamara imyaka ibiri aho ugiye gutuza imiryango 21 yo mu murenge wa Kabaya na Sovu, ukazafasha n’urubyiruko rurenga 200 mu kubigisha imyuga n’ubumenyingiro bidashingiye ku buhinzi, ari nako wegereza abaturage amazi meza no kuzamura ibikorwa by’ubuzima.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.