Advertisement
 
 
 
 
 
 
 
 

Amakuru | Mu Ntara | Intara

Leta ya mbere ya Jenoside yigishaga urwango n’ubwicanyi-Sen Tito   

  Yanditswe na HAKIZIMANA YUSSUF
 April 2016

 
 

Senateri Tito Rutaremara, yabwiye urubyiruko rw’i Rwamagana ko ubu Leta ishyize imbere kwigisha ubumuntu, ikaba ari ho itandukaniye na leta yo mu gihe cya Jenoside yakorewe abatutsi mu 1994 na mbere yaho, kuko bwo higishwaga ubunyamaswa, urwango n’ubwicanyi.

Ubu butumwa uyu musenateri yabutangiye mu kiganiro yahaye urubyiruko rwo mu karere ka Rwamagana, cyari kigamije kubasobanurira amateka ya Jenoside yakorewe abatutsi n’uruhare urubyiruko rwayigizemo, ndetse no kugaragaza uburyo urundi rubyiruko rwagize uruhare mu kuyihagarika.

JPEG - 61.2 kb
Senateri Tito Rutaremara (wa kabiri iburyo) mu kiganiro n’urubyiruko rw’i Rwamagana

Muri iki kiganiro, Senateri Tito yagaragarije urubyiruko ko Leta iriho ubu itandukanye n’izayibanjirije, kuko muri iki gihe Leta yigisha abaturage kugira ubumuntu, mu gihe Leta ya mbere ya Jenoside yo yigishaga abantu kuba inyamaswa.

Yagize ati:“Leta yari iriho yigishaga ubunyamaswa, twe turigisha ubumuntu, ni ryo tandukaniro.”

Asobanura impamvu yatumye FPR Inkotanyi ifata intwaro ikarwanya Leta ‘mbi’ yariho, Senateri Tito yagize ati:“Muri icyo gihe uwavaga muri komini agiye i Kigali yagombaga uruhushya rw’inzira rumwemerera kugenda kandi ari mu gihugu cye.

Aho FPR itangiriye yarabyize isanga mu Rwanda hari leta y’igitugu, harimo akarengane, amacakubiri yanganishije abanyarwanda, abahutu n’abatutsi, aya macakubiri atangiye kwanganisha abanyanduga n’abakiga, mu gihugu nta kwishyira ngo wizane byari bihari.

Kubona urwandiko rw’abajya mu mahanga byari iby’abayobozi gusa, abana amashuri akaba make hakajyayo abana b’abayobozi gusa, hari ubukene hakaba n’ubujiji n’ubuhunzi.”

Yakomeje asobanura ko mu byatumye FPR Inkotanyi itangiza urugamba rwo kubohora igihugu, harimo impamvu y’uko yashakaga Leta yigisha ibitandukanye n’ibyigishwaga icyo gihe, kuko byagaragaraga ko nta cyiza byageza ku banyarwanda.

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.