Advertisement
 
 
 
 
 
 
 
 

Amakuru | Mu Ntara | Intara

Kirehe: Umwana yaguye mu ‘kidamu’ arapfa   

  Yanditswe na Manishimwe Noël
 May 2016

 
 

Umwana w’umuhungu witwa Mutimura Diéudonne w’imyaka 13, ku ya 1 Gicurasi, yapfuye arohamye mu kizenga cy’amazi yifashishwa mu bikorwa byo kuhira bita ‘ikidamu’ mu mudugudu wa Kamunyana, akagari ka Rugarama, mu murenge wa Mushikiri muri Kirehe.

Umunyamabanga Nshingwabikorwa w’umurenge wa Mushikiri, Mahoro Maurice, yavuze ko Mutimura Diéudonne ari mwene Gashirabake Xaveri na Uwamahoro batuye mu murenge wa Rukira, mu karere ka Ngoma uhana imbibi n’uyu wa Mushikiri yaguyemo.

Yabwiye Imvaho Nshya ko uwo mwana yapfuye mu ma saa munani z’amanywa , ubwo yari azanye koga muri icyo kidamu na bagenzi be cyo mu gishanga cya Nyinya akikuramo imyenda mbere, yajya mu mazi akibira akamira nkeri.

Yagize ati “Yajyanye n’abana bagenzi be ngo bagiye koga, ni bwa bukubaganyi bw’abana, kuko niwe wabanje kwiyambura, ahita yidumburamo, kuvamo biranga ahita apfa. Bagenzi be bari batarajyamo”

JPEG - 44.6 kb
Uwo mwana yaguye mu kidamu (Foto: Umuhinzi)

Nyuma yo kubona ibibaye abana bagenzi be bafashwe n’ubwoba bahita bahutira gusubira mu rugo bahuruza ababyeyi ba Mutimura Diéudonne n’abaturanyi ariko basanga byarangiye.

Gitifu Mahoro yasabye ababyeyi gushyira imbaraga ku kwita ku mutekano n’ubuzima bwa buri munsi bw’abana babo

Ati “Ababyeyi tubasaba kongera kwita ku bana babo, nubwo umwana yaba afite imyaka 13 si uwo kureka ngo agende ababyeyi batazi aho yagiye, bakwiye kongera kwita ku burere bwabo, bakamenya aho umwana aherereye, ibyo arimo. Iyo haza kuba nk’umuntu ntiyari kubemerera kujyamo kuko urebye ukuntu hameze, ubwabyo, n’uko hasa ni ibizi biba bisa nabi ku buryo nk’umuntu mukuru we atabirebera abonye umwana ajyamo”

Nyuma yo gukura umurambo we mu mazi, wahise ujyanwa gukorerwa isuzuma ku bitaro bikuru bya Kibungo .

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.