Advertisement
 
 
 
 
 
 
 
 

Amakuru | Mu Ntara | Intara

Kirehe:Inka zibwa mu Rwanda zigacururizwa i Burundi   

  Yanditswe na MANISHIMWE NOËL
 July 2016

 
 

Abaturage bo mu murenge wa Gahara mu karere ka Kirehe, bavuga ko batewe impungenge n’ubujura bw’inka zibirwa mu Rwanda zikajya gucururizwa mu gihugu cy’u Burundi.

Abatuye i Gahara batangarije Imvaho Nshya ko ubu burura bw’inka bubahangayikishije bukorwa n’Abanyarwanda bafatanyije n’Abarundi, hanyuma inka zibwe zikajyanwa i Burundi mu rwego rwo gusibanganya ibimenyetso.

Gahara ni umwe mu mirenge 12 igize akarere ka Kirehe, imbibi z’uyu murenge zikora ku gihugu cy’u Burundi ku buryo n’abaturage baho batemberera i Burundi ku buryo bworoshye n’Abarundi bakabagenderera nta Kibazo.

Gusa, hamaze iminsi humvikana ubujura bw’amatungo ajyanwa kugurishirizwa i Burundi, dore ko abaturage bahamya ko hamaze gufatwa inka zirenze 5 zibwe zamaze kugezwa muri icyo gihugu, kandi ngo si inka gusa ahubwo n’amatungo magufi nk’ihene nayo yibwa muri ubwo buryo.

JPEG - 629.7 kb
Abiba inka bafite isoko i Burundi (Foto Hitimana D)

Umwe mu baturage wo mu murenge wa Gahara wifuje ko amazina ye adatangazwa yagize ati:“Nk’ubu ngubu ejo bundi hari ahantu habuze inka ubu twarahebye burundu, hari n’ahandi batwaye ihene byose babyambutsa i Burundi.”

Abatuye mu murenge wa Gahara bavuga ko muri iyi minsi ubu bujura bwakajije umurego byatumye abadafite ibiraro bikomeye, bahitamo kujya bararana n’amatungo mu nzu, hafi yabo kugira ngo nibura babashe kuyacungira umutekano, bayahungisha abajura.

Ntambara John, Umunyamabanga Nshingwabikorwa w’umurenge wa Gahara, avuga ko nta muturage uturuka mu gihugu cy’u Burundi ngo aze kwiba mu Rwanda, ahubwo ngo ubujura bukorwa n’abanyarwanda bakajya kuzigurisha i Burundi

Yagize ati:“Ahantu inka zinyuzwa ni ku byambu bitemewe, gusa abantu babikoresha nijoro.Amarondo arararwa ku buryo buhagije ariko kuko n’ubundi abiba ari babandi batuye hano usanga bigoye.”

Gitifu Ntambara ariko arahumuriza abaturage avuga ko hari icyizere cy’uko ubu bujura bwacika burundu hakajijwe amarondo, kandi ngo inzego zishinzwe umutekano zamaze kubizeza ubufatanye.

Ati:“Biragoye kubafata kuko ubacunga nabo bagucunga, gusa ubu twavuganye n’ingabo z’u Rwanda na DASSO bagiye kudufasha kugenzura ibi byambu twizeye ko ubu bujura buzacika.”

Mu murenge wa Gahara, ho mu karere ka Kirehe; aho u Rwanda rugabanira n’u Burundi hagiye hari ibyambu bimwe bitemewe, n’ibyafunzwe ku ruhande rw’u Rwanda mu rwego rwo gukumira ubujura ndetse n’iyinjizwa ry’ibicuruzwa bitemewe, gusa usanga hari ubwo ababikora bitwikira ijoro.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.