Advertisement
 
 
 
 
 
 
 
 

Amakuru | Mu Ntara | Intara

Kirehe: Bane bafungiye ubujura   

  Yanditswe na RNP
 5 months ago

 
 

Abagabo bane bafungiwe kuri Sitasiyo ya Polisi ya Kirehe, mu karere ka Kirehe nyuma yo kubafatana ibintu bacyekwa kwiba mu ngo z’ahantu hatandukanye.

Abakurikiranyweho iki cyaha ni Kilmany, Muyonga Abdoul, Uwokwizerwa Eric na Ndayisenga Emile.

Umuyobozi wa Polisi y’u Rwanda muri aka karere , Superintendent of Police (SP) James Rutaremara yavuze ko bafatanwe matela imwe, mudasobwa igendanwa imwe, igare, intebe zirindwi, imikeka ibiri, n’imisego ibiri.

Yavuze ko ibyo bintu byasanzwe mu nzu bari bakodesheje iri mu kagari ka Ruhanga, ho mu murenge wa Kigina.

Yongeyeho ko bimwe muri ibyo bintu bibye bapfumuye amazu byarimo byashubijwe ba nyirabyo.

SP Rutaremara yagize ati:"Ifatwa ryabo ryaturutse ku makuru twahawe n’abaturage. Turabibashimira. Ibi bigaragaza ko basobanukiwe akamaro ko gutanga amakuru ku gihe."

Yakomeje agira ati:"Kuyatangira ku gihe bituma ibyaha bikumirwa. Bituma kandi ababikoze cyangwa abafite imigambi yo kubikora bafatwa vuba."

Yagize kandi ati:"Ubujura budindiza iterambere muri rusange. Ababufatirwamo biganjemo urubyiruko. Ababyeyi bakwiye kwita ku burere bw’abana babo kugira ngo babarinde gukora ibyaha muri rusange."

SP Rutaremara yagiriye abantu inama yo kudafumbata amaboko ahubwo bagakora ibyemewe n’amategeko kugira ngo biteze imbere aho gutega amaramuko ku kwiba cyangwa ku bindi bikorwa binyuranije n’amategeko.

Yasabye abatuye muri aka karere gukora neza amarondo no kwirinda ikintu cyose kinyuranije n’amategeko.

Aba uko ari bane nibahamwa n’icyaha bazahabwa igihano cy’igifungo kuva ku mwaka umwe kugeza ku myaka ine (4) n’ihazabu y’amafaranga y’u Rwanda yikubye inshuro kuva kuri enye (4) kugeza ku icumi (10) z’agaciro k’icyibwe cyangwa kimwe gusa muri ibyo bihano nk’uko biteganywa n’ingingo ya 301 yo mu gitabo cy’amategeko ahana ibyaha mu Rwanda.

 

Comments

 
 
Musanze:Urubyiruko rwabaye indashyikirwa mu gutegura imishinga rwahembwe
Musanze:Urubyiruko rwabaye indashyikirwa mu gutegura imishinga rwahembwe

Abasore n’inkumi 42 bo mu karere ka Musanze bahawe igishoro cy’amafaranga miliyoni ebyiri n’ibihumbi ijana, nk’igihembo cy’uko babaye indashyikirwa mu gitegura neza imishinga y’ubucuruzi. Ni (...)

Ubutwari ntibuvukanwa buraharanirwa-Mureshyankwano
Ubutwari ntibuvukanwa buraharanirwa-Mureshyankwano

Guverineri w’intara y’Amajyepfo, Mureshyankwano Marie Rose, arasaba urubyiruko guharanira kuba intwari z’ejo hazaza babiyujije mu bikorwa by’ubutwari, bakazirikana ko ubutwari butavukanwa ahubwo (...)

Gakenke:Akarere kasobanuye ikibazo cy’abavuga ko batishimiye ingurane
Gakenke:Akarere kasobanuye ikibazo cy’abavuga ko batishimiye ingurane

Mu gihe bamwe baturage bo mu murenge wa Mugunga, akagari ka Rutenderi, mu karere ka Gakenke, batuye ahatoranyijwe kuzubakwa umudugudu w’icyitegererezo, bavuga ko batishimiye ingurane bagenewe, (...)

Rusizi:  Umusore afungiwe kwica se wabo na nyirasenge abatemaguye
Rusizi: Umusore afungiwe kwica se wabo na nyirasenge abatemaguye

Nakuzweyezu Pitien w’imyaka 26 ari mu maboko ya polisi, sitasiyo ya Nyakabuye, nyuma yo kwivugana, se wabo na nyirasenge, agashaka gutoroka ariko ku bufatanye bw’inzego z’ubuyobozi, iz’umutekano (...)

Rusizi:Batewe impungenge n’igiciro cy’ibigori cyazamutse cyane
Rusizi:Batewe impungenge n’igiciro cy’ibigori cyazamutse cyane

Abacuruza ibigori n’ababihaha mu isoko rya Bugarama, mu karere ka Rusizi, baravuga ko igiciro bigezeho kitigeze kibaho mu mateka yabo, aho umufuka w’ibigori bibisi wari usanzwe ugura amafaranga 6 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.