Advertisement
 
 
 
 
 
 
 
 

Amakuru | Mu Ntara | Intara

Kirehe:Bamaze imyaka 2 bataragezwaho amashanyarazi bishyuye   

  Yanditswe na MANISHIMWE NOËL
 May 2016

 
 

Ubuyobozi bw’akagari ka Mubuga mu murenge wa Musaza ho mu karere ka Kirehe, burahumuriza abaturage bijujutiraga kuba bamaze imyaka 2 bategereje guhabwa amashanyarazi, nyuma yo gutanga imisanzu yose basabwaga.

Umunyamabanga Nshingwabikorwa w’akagari ka Mubuga Gakuba Eric, niwe wahumurije aba baturage bo mu midugudu ya Ryabega, Kiyovu na Ryamuhazi muri aka kagari, bakusanyije amafaranga y’u Rwanda agera kuri miliyoni 2 ngo bahabwe amashanyarazi, ariko kuri ubu imyaka ibiri ikaba ishize nta makuru y’aho amafaranga yabo ari ndetse n’umuriro bifuzaga bakaba barawutegereje amaso ahagera mu kirere.

PNG - 416.7 kb
Abaturage bishyuye imisanzu bizezwa kwegerezwa amashanyarazi vuba ariko imyaka ibaye 2 bakiri mu mwijima (Foto Manishimwe N).

Avuga ko icyifuzo cy’abaturage ndetse n’intambwe bateye yo gukusanya umusanzu wabo ari cyiza cyane, ngo impamvu yatinjije ishyirwa mu bikorwa ry’icyifuzo cyabo ari uko amashanyarazi yabanje kushyirwa mu murenge wa Mushikiri utari warigeze ugira amashanyarazui ariko ngo ubu abatuye Mubuga nibo batahiwe.

Yagize ati:“Ubu icyizere kirahari kubera ko gahunda yo kwegereza abaturage amashanyarazi ari gahunda ndende kandi ikenewe mu mirenge myinshi.No mu nama duherukamo icyo kibazo nari nakibajije nshaka kumenya impamvu baje bagashyiraho insinga bakagenda ariko ntibashyiremo umuriro, bansobanurira ko bimukiye mu murenge wa Mushikiri wari utarabona amashanyarazi.

Niwo murenge wari usigaye mu karere kose utarabona amashanyarazi, baravuga bati nurangira turahita tugaruka muri musaza dutange umuriro.”

Gakuba kandi amara abatuye akagari ka Mubuga impungenge z’imicungire y’amafaranga yabo, akavuga ko amafaranga yabo agomba kuba acunzwe neza.

Agaragaza kandi ko mbere yuko akoreshwa hazabanza gusuzumwa uburyo yacunzwe kugira ngo niba hari abayarigishije bakayakoresha mu nyungu zabo bwite bazakurikiranwe n’inzego zibishinzwe.

Abatuye bo mu midugudu 3 yo mu kagari ka Mubuga bakusanyije miliyoni zigera kuri 2, ashyirwa mu kigo cy’imari Umurenge SACCO ngo begerezwe amashanyarazi; bagaragaza ko bifuza ko byakwihutishwa bakava mu bwigunge nabo bagakora imishinga yubakiye ku ngufu z’amasnhayarazi.

 

Comments

 
 
Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.