Advertisement
 
 
 
 
 
 
 
 

Amakuru | Mu Ntara | Intara

Kirehe:Bakusanyije amafaranga yo kwiyegereza amashanyarazi abayobozi barayarya   

  Yanditswe na MANISHIMWE NOËL
 31 May

 
 

Abaturage bo mu midugudu ya Ntungamo na Karenge, mu kagari ka Muganza, umurenge wa Gatore mu karere ka Kirehe, bavuga ko baheze mu bwigunge baterwa no kutagira umuriro w’amashanyarazi, ubuyobozi bw’uyu murenge bukavuga ko mu byadindije uyu mushinga harimo n’abayobozi bariye aya mafaranga abaturage bakusanyije.

Aba baturage bavuga ko ikibababaza ari uko baba mu kizima kandi bamaze imyaka 3 begeranyije amafaranga ngo begerezwe amashanyarazi, bakayoberwa igituma batayahabwa.

Aba baturage babwiye Imvaho Nshya ko kubera inyota bari bafite y’iterambere rikomoka ku mashanyarazi, bishyize hamwe begeranya amafaranga ngo bishakemo igisubizo, ariko abagombaga kubaha amashanyarazi barabatenguha.

PNG - 311.7 kb
Abatuye mu kagari ka Muganza ntibiyumvisha ukuntu bamara imyaka 3 badahawe amashanyarazi kandi barayishyuye (Foto Manishimwe N)

Umwe muri aba baturage yagize ati:“Biratubabaza kuba baradushishikarizaga kwegerenya amafaranga, hari abayafite batangaga ibihimbi 58, abandi bakagenda batanga make kubera ubushobozi, ariko kuba twaratanze amafaranga ntibaduhe umuriro nk’uko ubuyobozi bwari bwabyemeye, urumva ni ikibazo, n’iyo batubwira ibindi bisabwa twari kubitanga ariko bakaduha umuriro”

Umunyamabanga Nshingwabikorwa w’umurenge wa Gatore, Kanzayire Consolée, yatangarije Imvaho Nshya ko impamvu abatuye Muganza batinze kugezwaho amashanyarazi, ahinini byatewe nuko amafaranga yabanje kunyerezwa n’abayacungaga mbere.

Yagize ati:“Hari harimo ibibazo bibiri, gukusanya umusanzu ntibabone amashanyarazi cyari kimwe, ariko harimo n’icy’uko abari abayobozi bari barayariye, ubwo rero twabanje gukemura ikibazo cyo kugarura ayo mafaranga y’abaturage, ubu twarayagaruje yose miliyoni n’andi arengaho ari kuri konti yabo.”

Akomeza avuga ko iki kibazo kibahangayikishije cyane ariko ngo kiri mu byo bashyizemo imbaraga muri iyi minsi, ahanini bakora ubuvugizi ku rwego rubishinzwe.

Ati:“Ikigomba gukurikiraho ni ukubakorera ubuvugizi kugira ngo abakozi bo mu kigo gitanga umuriro baze babapimire babahe umuriro, banarebe niba ayo mafaranga ahagije cyangwa hari ikindi basabwa.

Dukomeje ubukangurambaga kandi njye numva iki cyumweru kirashira hari ikintu gifatika tugezeho kuko nanjye mba numva rwose bimpangayikishije kuko abaturage baba bacika intege.”

Ubuyobozi bw’umurenge wa Gatore bugaragaza ko hari icyizere ko iki kibazo cy’abaturage cyabonerwa umuti bitadinze, kuko ngo hari umuyoboro w’amashanyarazi uri gukorwa muri uyu murenge ahitwa Rwantonde, ku buryo hashobora kurebwa uburyo abo mu midugudu ya Ntungamo na Karenge aribo bahita bakurikiraho.

Aba baturage bo mu midugudu ya Ntungamo mu cyahoze kitwa Kamomo no mu wa Karenge yombi yo mu kagari ka Muganza, batanze amafaranga mu mwaka wa 2013 ngo babone amashanyarazi, bagaragaza ko nubwo hari iterambere ryabo ryadindiye, bawegerejwe bawubyaza umusaruro bakivana mu bukene.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.