Advertisement
 
 
 
 
 
 
 
 

Amakuru | Mu Ntara | Intara

Kirehe:Abana bacokoje gerenade irabaturikana   

  Yanditswe na MANISHIMWE NOËL
 July 2016

 
 

Abana 3 bo mu kagari ka Cyamigurwa, mu murenge wa Mushikiri mu karere ka Kirehe batoraguye gerenade 2, imwe bayijugunya mu mazi, indi barayicokoza irabaturikana, bakomereka bidakabije ntihagira uwo ihitana.

Amakuru dukesha abatuye muri aka gace agaragaza ibi byabaye kuwa 06 Nyakanga 2016, ubwo abana barimo: Nyirabakwiye Justine w’imyaka 13, Byiringiro Fred w’imyaka 14 na Haragirimana Elisa ufite 19, bari bagiye kuvoma bageraga ku mugezi uri mu gishanga cya Rwoshya, bakabona munsi y’ikiraro gerenade 2 ntibamenye ibyo aribyo.

Imwe bayifashe bayijugunya mu mazi, indi bayizamukana bayicokoza, aho ngo bakururaga urudodo bakumva irimo gusamira, kubera kutamenya icyo aricyo bisanga ibasandariyeho.

JPEG - 58.7 kb
Abaturage basabwe kwirinda gucokoza ibyo batazi (Foto interineti)

Mu kiganiro yagiranye n’Imvaho Nshya, Umunyamabanga Nshingwabikorwa w’umurenge wa Mushikiri Mahoro Maurice, yavuze ko aba bana babonye izi gerenade ubwo bavomaga, ntibasobanukirwe ibyo ari byo, bagatangira kuzikinisha.

Yagize ati:“Ni abana batatu b’abaturanyi kwa kundi abana bajyana kuvoma, bari bagiye kuvoma, hafi aho ku iriba bazitoragurayo, zari 2, imwe bayijugunya hirya mu mazi, indi batangira kuyihondagura bayitiranya n’inyundo irabaturikana.”

Gitifu wa Mahoro avuga ko nubwo yabaturikanye Imana yakinze ukuboko, kuko aba bana batakomeretse bikabije, uretse uwitwa Nyirabakwiye Justine wakomeretse akaguru wahise ujyanwa ku bitaro bya Kirehe, na Haragirimana Elisa ufite ibikomere bito bito uri kwitabwaho n’abaganga mu kigo nderabuzima cya Mushikiri; naho uwitwa Byiringiro Fred we yahise asubira mu muryango we.

Yagize ati:“Ntabwo bikomeye Imana yakinze ukuboko, nanjye nagiyeyo nimugoroba, nsura umwe uri ku bitaro nsaga ni ku maguru yakomeretse, aravuga nta kibazo, barimo kuvura ibyo bikomere gusa.”

Umunyamabanga Nshingwabikorwa w’umurenge wa Mushikiri avuga ko bitari bisanzwe ko mu muri uyu murenge haboneka gerenade, abatuye uyu murenge bose bakaba bahise bahabwa ubutumwa bwo kwigisha abana babo kwirinda gucokoza ikintu babonye batazi, ahubwo bakajya bihutira gutanga amakuru ku nzego z’ubuyobozi n’iz’umutekano.

Ati:“Ntabwo byari bisanzwe, natwe byaradutunguye cyane, ariko icyo twasabye ni uko hajya habaho gusobanurira abana igihe cyose babonye ikintu batazi icyari cyo cyose, ntibakajye bihutira kugikinisha no kugikubaganya, ni ukongera kubakangurira kubyirinda.”

Bamwe mu baturage bo muri aka gace baganiriye n’Imvaho Nshya bavuze ko iyi mpanuka ya gerenade yabasigiye isomo rikomeye, kuko ngo hari abibwiraga ko ibisasu byashize mu butaka, ariko ngo aho izi gerenade zaturikaniye aba bana biyemeje kwirinda gukubaganya icyo babonye batagisobanukiwe.

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.