Advertisement
 
 
 
 
 
 
 
 

Amakuru | Mu Ntara | Intara

Kayonza:Inyamaswa zasigaye inyuma ya parike zikomeje konera abaturage   

  Yanditswe na HAKIZIMANA YUSSUF
 July 2016

 
 

Abaturage batuye mu murenge wa Murundi mu karere ka Kayonza, barasaba ko inyamaswa zasigaye inyuma ya parike zajyanwa muri parike kuko zibonera.

Inyamaswa zasigaye inyumaya parike zirimo ibitera kuri ubu zirembeje abaturage bo mu kagari ka Buhabwa ahitwa Miyaga, dore ko ngo ubu abantu zitinya ari abagabo gusa, ngo n’iyo umugore ashatse kujya kuzicyaha yambara imyenda y’umugabo we nk’uko bamwe muri aba baturage baho babivuga.

Mutamuriza Rose yagize ati:”Ibitera n’impongo n’ingurube biratwonera cyane ubu nta kintu twenda kuzasarura, izi nyamaswa zirya ibintu byose hari ingurube zikura imyumbati, kimwe n’ibitera nta muntu wajya kubirinda nkatwe ba bagore biratwirukankana n’abana birabasuzugura.”

JPEG - 276.1 kb
Isatura ni imwe mu nyamaswa zonera abaturage b’i Kayonza (Foto archive)

Kagabirwa Anet, umwe mu baturage bahamya ko iyo ashaka kujya gucyaha izi nyamaswa yambara imyenda y’umugabo we, yagize ati:“Nazirinzeho ariko najyaga kuzirinda nambaye ipantaro y’umugabo wanjye nkambara n’ikote n’ingofero kugira ngo mbone uko nzirinda zitaza kumbona ndi umugore zikansuzugura, hari ibitera hari n’ingurube akarusho ariko ni ibitera birajya ku mwumbati bikawutigisa ibigori n’ubunyobwa nta na kimwe bisigaza”.

Aba baturage bavuga ko ikibazo cyabo bakigejeje ku buyobozi nk’uko byemezwa na Karangwa Anaclet, yagize ati:“Ikibazo kijyanye n’inyamaswa kiratubangamiye kandi iyo tubibwiye abayobozi bavuga ko ibitera bitishyurwa ahubwo ngo tujye tubicyaha tubyirukane, hari ibitera, impongo n’impyisi.”

Umuyobozi w’akarere wungirije ushinzwe iterambere mu karere ka Kayonza Uwibambe Consolee, yemeza ko imyaka y’abaturage yononwe n’inyamaswa yishyurwa.

Yagize ati:“Iyo umuturage yangirijwe amenyekanisha yuko yonewe n’inyamaswa ahera mu nzego zibanze, raporo irakorwa ikoherezwa mu kigo gishinzwe kwishyura byangijwe n’inyamaswa ntibareba ngo ni hato cyangwa ngo ni hanini raporo ibyo yemeje nibyo byishyurwa.”

Umuyobozi w’akarere yasabye abaturage baba batarishyurwa ko bakwihutira gukora imenyekanisha bityo bakazishyurwa.

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.