Advertisement
 
 
 
 
 
 
 
 

Amakuru | Mu Ntara | Intara

Kayonza:Bashinja abayobozi b’inzego z’ibanze kubabuza gutanga amakuru   

  Yanditswe na HAKIZIMANA YUSSUF
 4 months ago

 
 

Bamwe mu baturage bo mu murenge wa Murundi mu karere ka Kayonza, bavuga ko imwe mu mpamvu ituma badakunda kuvugisha itangazamakuru, ari uko iyo batanze amakuru, abanyamakuru bamara kugenda abayobozi b’inzego z’ibanze batangira kubaha akato ndetse bakanabwirwa nabi.

Bamwe mu baturage bemeye kuvugisha Imvaho Nshya, bemeza ko abayobozi b’inzego z’ibanze batabakemurira ibibazo uko bikwiye, ndetse ugasanga n’iyo babakoreye akarengane basabwa kwiyumanganya ntibabigaragaze.

Umwe muri aba baturage utagaragajwe amazina, utuye mu kagari ka Buhabwa muri uyu murenge wa Murundi, yagize ati:“Ubushize abanyamakuru baraje bajya no mu nzu barafotora nta nubwo twari tuzi aho baturutse tubaha amakuru, bahavuye ku mugoroba Gitifu w’akagari yaje gukoresha inama njye sinari mpari, abaza ngo umuntu wahamagaye abo banyamakuru ni nde?

Bivuyeho asiga abwiye abayobozi b’imidugudu ati ndagiye ariko mushake umuntu wahamagaye abanyamakuru, mushake uwo muntu kuko ubundi muri Buhabwa nta munyamakuru ujya uhagera, bwarakeye haba indi nama nayo tuyijyamo baraterana baratubaza turahakana ko nta munyamakuru twigeze duhamagara gusa, tubabwira amakuru twatanze.”

JPEG - 160.4 kb
Guverineri Odette Uwamariya aherutse kwibutsa abayobozi ko gutanga amakuru ari inshingano

Aba baturage bemeza ko nyuma yaho bagize ubwoba kuko ngo babwiwe ko ntaw’ugomba kuvugana n’abanyamakuru igihe atari kumwe n’umwe mu bayobozi.

Kayonga Emmy, ni umwe mu berura bakagaragaza ikibazo cyabo ashize amanga.Yagaragaje ko abayobozi b’inzego z’ibanze bababujije kuvugana n’abanyamakuru batabiherewe uruhushya n’ubuyobozi, bityo unyuranyije n’iri bwirizwa akaba yahura n’ibibazo bitandukanye.

yagize ati:“Barahadusanze turavuga, abatanze amakuru twe bakomeje batugendaho bavuga ngo abanyamakuru baje bate? N’ubu dufite impungenge ko twavuganye n’abanyamakuru kuko baraza kubitubaza.”

Uwashyizwe mu majwi cyane ko ajujubya abaturage bavuganye n’itangazamakuru ni Umunyamabanga Nshingwabikorwa w’akagari ka Buhabwa, Uwizeye Fred, ariko ubwo yaganiraga n’Imvaho Nshya yabiteye utwatsi, avuga ko abaturage bamubeshyera.

Yagize ati:“Ntabwo nabuza bantu kuvugana n’itangazamakuru, nta muntu n’umwe wavuganye n’itangazamakuru byigeze bigiraho ingaruka, ntawe twigeze duhana ntawe twigeze duca amande ngo yavuganye n’itangazamakuru.”

Mu kiganiro aherutse kugirana n’abanyamakuru, Guverineri w’Intara y’Uburasirazuba Uwamariya Odette, yavuze ko uretse no kubuza umuturage gutanga amakuru, nta n’umuyobozi ukwiye kwanga gutanga amakuru kuko ari inshingano ze.

 

Comments

  • Kambere 3 August

    Guhakana ko ntawatanze amakuru ngobimugaruka ntibihagije ahubwo abo Batoteza abayatanze bagakurikiranywe,kuko ndabizi najye byambayeho nanubu bikimbaho.

  • Ndagijimana Benjamin 2 August

    Kabisa abagitekereza uko nibikosore kuko umuntu ntaagomba kuzira igitekerezo cye cg uko abona ibintu igihe atari gutekereza cg kwigisha ibibi


pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.