Advertisement
 
 
 
 
 
 
 
 

Amakuru | Mu Ntara | Intara

Kayonza: Babangamiwe n’abashumba baboneshereza imyaka bakanabakubita   

  Yanditswe na HAKIZIMANA YUSSUF
 2 months ago

 
 

Urugomo rukorwa n’abashumba boneshereza abaturage ku bushake hagira uvuga agakubitwa rubangamiye bikomeye abaturage bo mu kagari ka Kageyo mu murenge wa Mwili, mu karere ka Kayonza.

Iki kibazo abaturage bamaze kukigeza ku buyobozi bw’akarere ka Rwamagana, gashishikariza abafite inzuri kuzizitira mu rwego rwo kwirinda amakimbirane ashobora kuvuka.

Ubuhamya butangwa na bamwe mu baturage batuye mu kagari ka Kageyo, bugaragaza aba bashumba bigize intakoreka, ku buryo n’iyo umuturage abonye ko bari kumwoneshereza anyerera akigendera atavuze, kuko ngo ushatse kubaza impamvu bamwoneshereje akubitwa agataha ari intere.

JPEG - 392.5 kb
Inka zona imyaka y’abaturage bataka bagakubitwa (Foto archive)

Nzabonimana Karoli yagize ati “Baratwoneshereza cyane nta muturage n’umwe inaha wasanga adafite icyo kibazo kandi inzuri z’aha usanga zitazitiye ugasanga hari abafite abashumba babi waba wahinze imyaka yaba ibishyimbo cyangwa ibigori bakazituriramo.

Barirara bakaragira aho babonye, nk’ubu njye nahinze hegitari y’imyumbati baraza baturiramo inka, iyo uvuze baragukibita rwose, ubuse ugira ngo nasanga inka ziri mu kwanjye ngataka? reka da ni ukwinyonyombera gakeya nkagenda nkabivuga navuye aho, kuko mbivugiye aho sinakira inkoni zabo.”

Bamwe muri aba baturage bavuga ko batakira ubuyobozi bwabo ariko nabwo ntibugire icyo bukora kigaragara ngo aba bashumba bafatirwe ibyemezo bibaca kuri iyi ngeso.

Imvaho Nshya yaganiriye n’umuyobozi ushinzwe umutekano mu mudugudu wa Rugeyo, Kazungu Ramadhan, nawe agaragaza ko iki kibazo cy’abashumba boneshereza abaturage giteza umutekano muke.

Yagize ati “Ikibazo dufite ni ubwone rimwe na rimwe ntidusinzira kuko abantu baba batabaza bati banyoneshereje, abashumba bankubise ubu icyo dukora ku bakubiswwe ni ukubunga, naho ku bwone tugerageza gukora raporo zo kubishyuriza byaba ngombwa bakajya mu bunzi.”

Umuyobozi w’akarere ka Kayonza Murenzi Jean Claude,we yemeza ko ubu icyo bagiye gukora ari ugusaba aborozi gukorera no kuzitira inzuri zabo, kugira ngo amatungo yabo atajya konera abaturage ndetse n’aho byabaye abaturage bakagirwa inama yo kugana abayobozi babo bakabafasha gukemura icyo kibazo.

Abaturage bo muri uyu murenge wa Mwili basaba ubuyobozi bwabo gusyira imbaraga muri gahunda yo kororera mu biraro, kuko iyo inka zirirwa zizerera biteza amakimbirane.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.