Advertisement
 
 
 
 
 
 
 
 

Amakuru | Mu Ntara | Intara

Karongi : Uwakoze Jenoside yatemaguye umuhungu we wari uje gukiza nyina   

  Yanditswe na DUSINGIZUMUREMYI VESTINE
 5 months ago

 
 

Ngendahayo Celestin w’imyaka 65, bakunze kwita Bahizi, utuye mu kagali ka Biramba, umurenge wa Gashali, akarere ka Karongi, yakubise bikomeye umugore we w’imyaka 60, umuhungu we baturanye atabaye nawe aramutemagura amuhindura intere.

Abaturage bavuga ko uyu musaza yatangiye gukubita umukecuru we mu ma saa tatu z’umugoroba wo ku wa Gatatu undi aratabaza.

Umuhungu wabo Nsabimana Yoweri ufite imyaka 38 utuye aho hafi yumvise intabaza ya nyina aza kumukiza ariko nawe ise ahita amwadukira amutema imihoro umunani mu mutwe, ku buryo ashobora no kuhasiga ubuzima.

Umwe mu baturage batabaye yabwiye Imvaho Nshya ati ” Ubusanzwe uyu musaza asanzwe yitwara nabi, yari aherutse gukuramo umugore we amenyo, hari n’umuturanyi wamushinje muri gacaca maze mu minsi ishize aramutumira ngo yahishije inzoga amukubitira iwe”.

JPEG - 111.9 kb
Yamutemesheje umuhoro mu mutwe

Umunyamabanga nshingwabikorwa w’umurenge wa Gashali , Karasanyi Nicolas nawe ashimangira ko uyu mugabo Ngendahayo asanzwe yarigize kagarara kuko yanishe muri Jenoside yakorewe Abatutsi.

Ati”Muri Jenoside yishe abantu arirega akatirwa TIG ariko ntabwo yitwara neza mu baturage ntacyo yahindutseho, yatemye umuhungu we aje kubakiza kuko yari arimo gukubita umugore we, ahita areka gukubira umugore atemagura umuhungu we.”

Gitifu asaba abaturage kwirinda amakimbirane yo mu ngo no kwirinda gusinda ku mbere yo kurwana uyu musaza yabanje gusangira n’umuhungu we icyo bita umutobe.
Abaturanyi b’uyu musaza basaba ko afungwa nk’imyaka itandatu , bati “Ntibamufunge amezi atandatu gusa y’urugomo, kuko usibye kuba yatemye uwo muhungu we hari n’undi muhungu we yatemye ahita amucika” ; ngo no mu mudugudu ateza umutekano muke.

Kuri ubu Ngendahayo afungiwe kuri sitasiyo ya Police ya Gashali naho uwatemwe yahise ajyanwa ku bitaro bikuru bya Kirinda.

 

Comments

 
 
Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.