Advertisement
 
 
 
 
 
 
 
 

Amakuru | Mu Ntara | Intara

Karongi:Umusozi wa Gatwaro wahindutse indiri y’abajura   

  Yanditswe na DUSINGIZUMUREMYI VESTINE
 April 2016

 
 

Bamwe mu baturage bo mu murege wa Bwishyura mu karere ka Karongi, bavuga ko bahangayikishijwe n’abasore bakoze indiri mu ishyamba ryo ku musozi wa Gatwaro, bakambura abaturage banyuze mu nzira zo hafi y’iri shyamba.

Abaturage baganiriye n’Imvaho Nshya bavuga ko aba basore basaritswe n’ibiyobyabwenge babangamiye cyane umutekano wabo, n’uw’umurenge wa Bwishyura muri rusange.

Dukundimana Eric, umwe mu baturiye ishyamba rya Gatwaro, yavuze ko basigaye bagenda bikandagira, bikanga ko bagwa mu mutego w’aba basore bakabagirira nabi.

Yagize ati:“Hari insoresore zinywa ibiyobyabwenge (urumogi na kanyanga) zikunda gutegera abantu ku muhanda uva Iwagasirika werekweza mu mujyi wa Kibuye hafi y’ahaba ubwanikiro bw’isambaza.

JPEG - 167.4 kb
Iri shyamba ryo ku musozi wa Gatwaro risigaye ribamo abajura (Foto Vestine D)

Baraza bakagushikuza isakoshi na telefone bakirukankira muri iryo shyamba, n’ubu hari umukozi wa Hoteli imwe iri hafi aha baherutse kubyambura, siwe gusa hari n’abandi.”

Mu nama y’umutekano y’umurenge wa Bwishyura iherutse guterana mu mpero za Werurwe, ikibazo cy’aba basore bahungabanya umutekano cyagarutsweho, hemezwa ko hajyaho ingamba zikarishye mu kugarura umutekano mu nzira zo hafi y’iri shyamba.

Mutuyimana Emmanuel, Umunyamabanga Nshingwabikorwa w’umurenge wa Bwishyura, avuga ko muri rusange umutekano wari umeze neza, ariko ko mu kwezi kwa Gatatu habayeho ibibazo by’ingutu, birimo n’icy’abajura baciye indiri muri iri shyamba.

Yagize ati:“Ikibazo cy’abajura bajya muri uriya musozi tugiye kugikurikirana, amatara ku mihanda yaho yarapfuye, twasabye REG kuhashyira urumuri, twumvikanye n’inzego z’umutekano tukahasura tukareba niba abo bantu batega abantu bahari, noneho bagafatwa kandi hagiye no gukazwa amarondo.”

Inzego z’umutekano zitandukanye zari muri iyo nama, ziyemeje ko zigiye gukurikirana icyo kibazo cy’abajura baba ku musozi wa Gatwaro bambura abaturage, bakanabahohotera.

 

Comments

 
 
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo

Abakozi bakora isuku mu nyubako y’ibiro by’Intara y’Uburasirazuba ikoreramo n’akarere ka Rwamagana, barasaba ubuyobozi kubakorera ubuvugizi rwiyemezamirimo ubakoresha akabishyura, kuko ngo bamaze (...)

Rusizi:Ba Agoronome bamaze amezi 7 bategereje moto z’akazi
Rusizi:Ba Agoronome bamaze amezi 7 bategereje moto z’akazi

Bamwe mu bagoronome n’abaveterineri bo mu karere ka Rusizi baravuga ko hari byinshi bikomeje kudindira muri serivisi baha abaturage bitewe nuko batabasha kubageraho, kuko moto batumije zimaze (...)

Burera:Ubuyobozi bwihanangirije ababyuka banywa inzoga  ngo zibatera imbaraga
Burera:Ubuyobozi bwihanangirije ababyuka banywa inzoga ngo zibatera imbaraga

Ubuyobozi bw’akarere ka Burera burasaba abaturage gucika ku muco wo kubyukira ku ntango y’inzoga n’ibigage, ahubwo bakimakaza umuco wo kubyukira k’umurimo, biteza imbere. Ubu butumwa bwatanzwe mu (...)

Rusizi: Ababyeyi barinubira abakobwa babo
Rusizi: Ababyeyi barinubira abakobwa babo "babaturaho" abuzukuru babyaye batiteguye

Bamwe mu babyeyi bo mu murenge wa Rwimbogo mu karere ka Rusizi, baravuga ko bahangayikishijwe bikomeye n’abana babo bata amashuri kubera inda zitateguwe ntibanavuge abazibatera, ugasanga barateza (...)

Muhanga:Hafunguwe ibyumba by’amashuri y’abafite ubumuga
Muhanga:Hafunguwe ibyumba by’amashuri y’abafite ubumuga

Umuganda ngarukakwezi ku rwego rw’Akarere ka Muhanga, wabereye hafi y’ishuri ry’abafite ubumuga, uhuzwa no gutaha ku mugaragaro ibyumba 6 yabo, byatwaye miliyoni 60 z’amafaranga y’u Rwanda. Senateri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.