2017-08-18 14:28:59 clouds 27o High | Kigali Rwanda

Dukurikire:
 
 

Karongi: Umunyemari Mugambira yakatiwe gufungwa by’agateganyo

Yanditswe na IMVAHO NSHYA

Kuya 2016-08-12 09:30:00

 
Share on:
 
Yasuwe:10
 
Yavuzweho:200
 
10
 
10

Urukiko rw’ibanze rwa Bwishyura mu karere ka Karongi rwakatiye umunyemari Aphrodis Mugambira nyiri Hotel Golf Eden Rock gufungwa iminsi mirongo itatu by’agateganyo.

Mugambira kurikiranyweho gushora abakobwa bamukorera mu buraya. Ubushinjacyaha buvuga ko bumushinja koshya no kuyobya abantu abashora mu busambanyi.

Ubushinjacyaha bwasabye ko urubanza rubera mu muhezo kugira ngo abatangabuhamya bamushinja batazatotezwa, Mugambira ashyigikira iki cyifuzo, iyi ni nayo ngingo yagendeweho kugira ngo akatirwe gufungwa iminsi 30.

JPEG - 95.6 kb
Abakobwa bakoze muri Hotel Golf, ya Mugambira, bamushinja kubashora mu busambany

Aphrodis Mugambira yatawe muri yombi ku ya 4 Kanama 2016 nyuma y’amakuru yuko asaba abakobwa bamukorera muri Eden Rock Golf Hotel guherekeza abakiriya mu byumba ku ngufu, kubatoteza, kubatukira mu ruhame, no kubirukana mu buryo budafututse.

Ingingo ya 206 mu gitabo cy’amategeko ahana mu Rwanda ivuga ko “Umuntu wese ushishikariza, woshya cyangwa uyobya undi muntu mukuru n’aho yaba yabyiyemereye ashaka kumushora mu buraya, ahanishwa igifungo kuva ku mwaka umwe (1) kugeza ku myaka itatu (3) n’ihazabu y’amafaranga y’u Rwanda kuva ku bihumbi magana atanu (500.000) kugeza kuri miliyoni ebyiri (2.000.000) cyangwa kimwe gusa muri ibyo bihano.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE