Advertisement
 
 
 
 
 
 
 
 

Amakuru | Mu Ntara | Intara

Karongi: Umunyemari Mugambira uri kuburanira mu muhezo yahakanye ibyo aregwa   

  Yanditswe na DUSENGUMUREMYI VESTINE
 August 2016

 
 

Aphrodis Mugambira nyiri Hotel Golf Eden Rock yagejejwe imbere y’urukiko rw’ibanze rwa Bwishyura mu karere ka Karongi ngo aburanishwe ku cyaha cyo gushora abakobwa bamukorera mu buraya.

Mu ma saa tatu n’igice z’igitondo cyo kuri uyu wa 11 Kanama 2016, nibwo Mugambira, wambaye imyenda isanzwe yageze ku rukiko, yagaragara nk’utuje kandi wifitiye icyizere.

Uyu munsi ubushinjacyaha n’uregwa baraburana ku ifungwa n’ifungurwa ry’agateganyo.Saa tatu na Mirongo itanu yasomewe icyaha ashinjwa cyo koshya no kuyobya abantu abashora mu busambanyi. Abajijwe icyo abivugaho, yabihakanye yivuye inyuma.

Ubushinjacyaha bwasabye ko urubanza rubera mu muhezo kugira ngo abatangabuhamya bamushinja batazatotezwa, Mugambira ashyigikira iki cyifuzo, urubanza rutangira mu muhezo.

Mu rukiko, Mugambira afite abanyamategeko bamwunganira batatu. Urubanza ruzasomwa ejo ku wa Gatanu saa yine za mu gitondo.

Aphrodis Mugambira yatawe muri yombi ku ya 4 Kanama 2016 nyuma y’amakuru yuko asaba abakobwa bamukorera muri Eden Rock Golf Hotel guherekeza abakiriya mu byumba ku ngufu, kubatoteza, kubatukira mu ruhame, no kubirukana mu buryo budafututse.

Ingingo ya 206 mu gitabo cy’amategeko ahana mu Rwanda ivuga ko “Umuntu wese ushishikariza, woshya cyangwa uyobya undi muntu mukuru n’aho yaba yabyiyemereye ashaka kumushora mu buraya, ahanishwa igifungo kuva ku mwaka umwe (1) kugeza ku myaka itatu (3) n’ihazabu y’amafaranga y’u Rwanda kuva ku bihumbi magana atanu (500.000) kugeza kuri miliyoni ebyiri (2.000.000) cyangwa kimwe gusa muri ibyo bihano.”

 

Comments

 
 
Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.