Advertisement
 
 
 
 
 
 
 
 

Amakuru | Mu Ntara | Intara

Karongi:Imbuto Foundation yibukije urubyiruko kwirinda Sida n’inda zitateguwe   

  Yanditswe na DUSINGIZUMUREMYI VESTINE
 23 April

 
 

Murangira Aline, umukozi mu muryango Imbuto Faundation yasabye urubyiruko rwo mu karere ka Karongi, kwipimisha agakoko gatera Sida bakamenya uko bahagaze no kwirinda gutwara inda z’imburagihe.

Yabisabye urubyiruko mu gutangiza ubukanguramaga bwiswe “Urukundo nyakuri ku rubyiruko” igikorwa cyabimburiwe no kwipimisha ku bushake agakoko gatera sida, cyabereye mu murenge wa Mubuga mu karere Karongi, cyateguwe na Imbuto Faundation n’Ikigo cy’urubyiruko gikorera mu karere ka Karongi.

Murangira yagaragaje ko kwirinda inda z’imburagihe bireba cyane urubyiruko, ariko ngo n’ababyeyi bakwiye kwibuka ko uruhare rwabo rukenewe.

Yagize ati:Ubu bukangurambaga bugamije gukangurira urubyiruko kwirinda gutwara inda z’imburagihe no gukangurira urubyiruko rubana na Virusi itera Sida gufata imiti, n’abatarandura tukabakangurira kumenya uko bahagaze kandi bakirinda, dusaba ababyeyi nabo kudatezuka mu nshingano zabo”.

JPEG - 373.2 kb
Murangira Aline yasabye urubyiruko kwirinda inda zitateguwe na Sida (Foto Vestine D)

Mukashema Drocelle, ushinzwe imibereho myiza mu karere ka Karongi, avuga ko gutwara inda z’imburagihe urubyiruko rugomba kubigira kirazira.

Ati:“Ni mwebwe Rwanda rw’ejo nimumenye kuvuga oya, haba abahungu cyangwa abakobwa, nimwe mbaraga z’igihugu mube imbuto zitoshye mwipimisha agakoko gatera sida, mwirinda murinda n’abandi.”

Uhagarariye ikigo cy’urubyiruko mu karere ka Karongi, Nyamurinda Protais, nawe asaba urubyiruko kwifata kugeza igihe bazarushingira.

Umutoni Alice, umwe mu rubyiruko rwo mu murenge wa Mubuga, avuga ko impanuro bahawe zigiye kuba umusingi w’iterambere ry’ejo habo hazaza.

Ubu bukangurambaga bwari bufite insanganyamatsiko igira iti “Twirinde turinde n’abandi”.

 

Comments

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.