Advertisement
 
 
 
 
 
 
 
 

Amakuru | Mu Ntara | Intara

Karongi:Ikiraro cyoroshyaga ubuhahirane kimaze imyaka 15 cyaracitse   

  Yanditswe na DUSINGIZUMUREMYI VESTINE
 March 2016

 
 

Abaturage bo mu murenge wa Gashali, Mutuntu na Rugabano mu karere ka Karongi, baravuga bahangayikishijwe n’ikiraro cyabahuzaga kikanabafasha mu buhahirane, kimaze imyaka irenga 15 gicitse.

Ntakirutimana Innocent ni umuturage wo mu murenge wa Gashali, uvuga uburyo ikiraro cyahagaritse ubuhahirane.

Yagize ati:“Iki kiraro cyari ku mugezi wa Makambazi, cyacagaho umuhanda wageraga ku mashuri ya Gasharu mu murenge wa Rugabano, ugakomeza Gasenyi ahahoze hitwa Itabire, no ku Mukungu mu murenge wa Mutuntu.

JPEG - 423.4 kb
Ikiraro cyahagaritse ubuhahirane bw’abaturage (Foto Vestine D).

Cyari cyarubatse na SEGEMU (umushinga wubakaga amapironi) yubatse amapironi mu mwaka wa 1978, unubaka n’ikiraro n’umuhanda, nyuma gato ya Jenoside yakorewe abatutsi nibwo amazi yagiciye ubu kimaze imyaka irenge 15 gicitse.”

Uyu muturage kimwe na bagenzi be bavuga ko byabagizeho ingaruka, zirimo kuba ubuhahirane bwarahagaze, kuba ushaka kujya mu murenge wa Mutuntu abanza gukata Rugabano aho ukora urugendo rurerure.

Abana bajya kwiga Gasharu na Gashali nabo iyo imvura yaguye ntibajya ku ishuri kubera ko umugezi (Makambazi) uba wuzuye, n’ibindi bibazo bitandukanye.
Umunyamabanga Nshingwabikorwaw’umurenge wa Gashali Karasanyi Nicolas, nawe ahamya ko umuhanda uva Gashali ukagera mu Gasenyi mu murenge wa Mutuntu wadindijwe n’ikiraro cyacitse.

Yagize ati:”Iteme ryaracitse birasaba amafaranga n’umuganda, turi gusaba inkunga, twari twaragisabye ku karere, umwaka utaha turakizeye.”

Eric Munezero, umukozi ushinzwe ubutegetsi n’abakozi mu karere ka Karongi, ashimangira ko kubaka iki kiraro biri muri gahunda z’akarere, bityo abaturage bakwiye kwizera ko mu gihe kidatinze bazongera guhahirana nta mbogamizi.

Yagize ati:”Mu karere tuba dufite amafaranga ashinzwe gukora imihanda n’amateme, kuko umurenge warangije kubisaba tugiye kubikurikirana turebe uburyo cyakorwa ubuhahirane bugakomeza.”

 

Comments

Izina Ryanyu
IGITEKEREZO

 
 
Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Rusizi: Ubuyobozi bwahumurije abaturage bafite abana biga mu mashuri ashaje
Rusizi: Ubuyobozi bwahumurije abaturage bafite abana biga mu mashuri ashaje

Ababyeyi barerera muri GS Ntura Protestant, ishuri riri mu murenge wa Giheke mu karere ka Rusizi, bafite impungenge z’uko abana babo bagiye gutangira amashuri, ibyumba by’amashuri bigiramo bishaje (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.