Advertisement
 
 
 
 
 
 
 
 

Amakuru | Mu Ntara | Intara

Karongi: Hatangiye urubanza rw’umunyeshuri ushinjwa gusuzugura ibendera   

  Yanditswe na DUSINGIZUMUREMYI VESTINE
 July 2016

 
 

Nsengiyumva Anastase, umunyeshuri wiga mu mwaka wa gatanu mu ishuri ryisumbuye IPESAR, riherereye mu kagari ka Kabirizi mu murenge wa Rubengera, mu karere ka karongi, yagejejwe imbere y’urukiko, aho akurikiranweho icyaha cyo gusuzugura ibendera ry’igihugu.

Ku mugoraba wo kuwa kane tariki 7 Nyakanga 2016, nibwo urukiko rw’ibanze rwa Bwishyura rwaburanishije mu ruhame Nsengiyumva Anastase, ushinjwa gusuzugura ibendera ry’igihugu.

Ubushinjacyaha bwagaragaje ko tariki ya 18 Kamena 2016 hagati ya saa tanu na saa sita z’ijoro, uyu Nsengiyumva yafashe urwembe, akurira agaca imigozi iba ifashe ibendera ry’igihugu, akarihambira mu ishashi akajya kurijugunya mu mugezi wa Musogoro.

JPEG - 163.3 kb
Nsengiyumva arashinjwa gusuzugura ibendera ry’igihugu (Foto Vestine D)

Iri bendera ryo mu kigo cy’ishuri cya IPESAR uyu munyeshuri yigagamo, ngo yarisuzuguye biturutse ku makimbirane yagiranye n’umuzamu urinda icyo kigo, aho ngo yahoraga amubangamira amubuza gusohoka mu ijoro agiye kureba umupira y’igikombe cy’Uburayi(Euro 2016).

Nsengiyumva Anastase wari imbere y’umucamanza, yisobanuye avuga ko yasuzuguye iri bendera ry’igihugu nk’uburyo bwo guhemukira umuzamu urinda iki kigo cy’amashuri.Yemeye icyaha, anagisabira imbabazi.

Ubushinjacyaha bwamusabiye igifungo cy’umwaka umwe n’ihazabu y’amafaranga y’u Rwanda ibihumbi 200.

Uru rubanza ruzasomwa tariki ya 13 Nyakanga 2016 saa munani, ku murenge wa Rubengera mu ruhame, ari naho yaburaniye.

 

Comments

 
 
Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe

Ubuyobozi bw’akarere ka Ngoma buvuga ko bwohereje agagenzuzi gukurikirana ikibazo cy’abaturage bavuga ko bahawe akazi ko kubaka ibiro by’akagari k’Akagarama ntibishyurwe. Aba baturage bo mu (...)

Rusizi:Imvura yashenye ibiro by’akagari yangiza n’imyaka y’abaturage
Rusizi:Imvura yashenye ibiro by’akagari yangiza n’imyaka y’abaturage

Ubuyobozi bw’umurenge wa Nyakarenzo mu karere ka Rusizi buravuga ko imvura ivanze n’urubura n’umuyaga mwinshi yaguye kuwa kabiri, yashenye ku buryo bukomeye ibiro by’akagari ka Gatare muri uyu (...)

Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.