Advertisement
 
 
 
 
 
 
 
 

Amakuru | Mu Ntara | Intara

Karongi: Gitifu arashinjwa gukubita abaturage akabagira intere   

  Yanditswe na DUSINGIZUMUREMYI VESTINE
 31 March

 
 

Bamwe mu baturage bo mu kagari ka Gisanze, umurenge wa Rubengera mu karere ka Karongi, barashinja Gitifu w’ako Kagari urugomo, guhungabanya umutekano w’abaturage, kubakubita, kubakomeretsa no kwangiza ibyabo.

Mu ijoro ryo ku cyumweru rishyira kuwa mbere tariki ya 28 werurwe 2016, hagati ya saa saba n’igice na saa munani (01h30-02h00) z’ijoro, mu isantere yo ku Ryanyirakabano mu kagari ka Gisanze humvikanye induru z’abaturage, batakaga inkoni bakubiswe na Gitifu w’akagari Habaguhirwa Jean Damascene, afatanyije n’abanyerondo.

Muri iri joro abantu batatu nibo bakubiswe, barimo uwitwa Nzayisenga Jean Claude w’imyaka 30, ufite umugore n’abana 3, utuye mu mudugudu wa Kabatara muri aka kagari ka Gisanze.

JPEG - 226.1 kb
Nzayisenga Jean Claude na Tuyisabe Fils bakomerekejwe n’inkoni bakubiswe (Foto Vestine D)

Nzayisenga avuga ko uyu muyobozi yamukubise amurenganya.Yagize ati: “Mu masaha ya saa munani z’ijoro umuyobozi w’akagari ka Gisanze ari kumwe n’abakozi babiri b’akagari n’abanyerondo, baje iwanjye barankomangira, ndakingura bambwira ko umuhungu nakoreshaga yagiranye amakimbirane n’abanyerondo, ngo yikingiraniye mu nzu aho nkorera, ngo ninjye kuhakingura bumve ibibazo bye bamwunge n’abanyerondo.”

Akomeza avuga ko bakimara gukingura, Gitifu n’abanyerondo binjiye mu nzu ye batangira gukubita abo basanzemo, Gitifu abonye ko bari kumena ibihacururizwa asaba ko babasohora bakabakubitira hanze.

Yagize ati:“Gitifu ansaba ko naryama hasi ndaryama bakankubita ibibatira by’umuhoro nteze amaboko intoki barazitema, bankubise igiti kimeze nk’irati, amaguru yabyimbye, akaboko kavunitse, mu runkenyerero harapfutse, umutwe bawuhondaguye,ndi kwihagarika amaraso ntegereje kujya guca mu cyuma.

Aho nacururizaga bahasize harangaye ibyo nacuruzaga ntibikirimo, amafaranga nari mfite mu myenda nabyukanye nayabuze muri make mpombye ibifite agaciro k’ibihumbi 50.”

Tuyisabe Fils w’imyaka 20, ni umwana w’imfumbyi wakoreraga uyu mugabo, nawe akaba yarakubiswe ndetse agakomeretswa na Gitifu.

Yagize ati:“Bansanze mu nzu barankubita (Gitifu na Theogene) umutwe barawumennye n’amafaranga ibihumbi 42 nari maze guhabwa mu ishyirahamwe barayatwaye, ndifuza ko bansubiza amafaranga yanjye bakanahana abankomerekeje.”

Kugera ubwo twakoraga iyi nkuru, uyu muyobozi twari tutarashobora kumubona ngo agire icyo avuga ku byo aba baturage bamushinja.

Mu nama y’umutekano yabaye tariki ya 29 Werurwe 2016, Ngendambizi Gedeon, umunyamabanga Nshingwabikorwa w’umurenge wa Rubengera aka kagari gaherereyemo, yavuze ko bakiri mu iperereza ngo hamenyekane ukuri kw’ibyo uyu muyobozi ashinjwa n’abaturage.

Bamwe mu baturage bo muri aka kagari baganiriye n’Imvaho Nshya, basaba guhindurirwa abayobozi, ngo kuko umuyobozi w’akagari kabo Habaguhirwa Jean Damascene ari umunyarugomo, kuko no mu minsi ishize mu biro by’ako kagari haherutse gufungirwa umusore wakekwagwaho kwiba, agakubitwa kugeza ubwo aciwe ubutwi.

 

Comments

Who are you?
Your post
  • To create paragraphs, just leave blank lines.

 
 
Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Karongi:Abaturage 31 bajyanwe mu bitaro bazira ikigage banyoye mu bukwe
Karongi:Abaturage 31 bajyanwe mu bitaro bazira ikigage banyoye mu bukwe

Abaturage 31 bo mu mudugudu wa Nyagahinga, Akagari ka Ruhinga mu murenge wa Gitesi ho mu karere ka Karongi, bamaze iminsi mu bitaro, nyuma yo kunywa ikigage bikekwa ko gihumanye mu bukwe. Aba (...)

Uburengerazuba: Guverineri Munyantwari yasabwe kwihutisha iterambere
Uburengerazuba: Guverineri Munyantwari yasabwe kwihutisha iterambere

Abanyamuryango ba FPR Inkotanyi mu ntara y’Uburengerazuba, batoye Guverineri Munyantwari Alphonse nk’umuyobozi mushya w’uyu muryango muri iyi Ntara, bamusaba kwihutisha iterambere. Guverineri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.