Advertisement
 
 
 
 
 
 
 
 

Amakuru | Mu Ntara | Intara

Karongi: Batatse ko bamaze amezi 8 badahembwa, bahembwa 6 barirukanwa   

  Yanditswe na DUSINGIZUMUREMYI VESTINE
 March 2016

 
 

Abakozi bane muri batandatu bakoraga isuku mu isoko rya Birambo mu murenge wa wa Gashali mu karere ka Karongi birukanwe ku kazi, nyuma y’uko bagaragaje ko baremerewe n’ikibazo cyo gutinda guhembwa ndetse no guhemberwa mu ntoki.

Mu nkuru ibanziriza iyi, aba bakozi babwiye Imvaho Nshya ko bari bamaze amezi umunani badahabwa umushahara wabo w’ukwezi, kandi ari wo ngo wari ubatunze hamwe n’imiryango yabo.

Uretse kuba umushahara wabo wari umaze amezi umunani utabageraho, aba baturage bemeza ko n’iyo uyu mushahara uje utanyuzwa kuri konti zabo muri banki, ahubwo ngo bawuhabwa mu ntoki bigatuma kuwizigamira bibabera ihurizo.

JPEG - 353.9 kb
Abakozi 4 muri 6 basukuraga iri soko rya Birambo barirukanwe (Foto Vestine D)

Aba baturage bavuga ko inkuru ikimara gusohoka batumijweho n’ubuyobozi bwa Koperative yabakoreshaga n’ubw’umurenge wa Gashali, bababaza uwatanze amakuru y’uko badahembwa, nyuma bafata umwanzuro wo kwirukana bane muri bo.

Umwe muri aba birukanwe aganira n’Imvaho Nshya yagize bati:“Bamwe muri twe batanze amakuru y’uko duhemberwa mu ntoki ntitubone amafaranga yose tuba twakoreye, ndetse ko twari tumaze amezi umunani tudahembwa, amakuru akimara kumenyekana, tariki ya 29 Gashyantare nibwo baturemesheje inama (ubuyobozi bw’umurenge na Perezida wa Koperative) batubaza uwatanze amakuru, abuze bahitamo kuduhagarika turi bane basigamo babiri.”

Uyu muturage kimwe na bagenzi be bakomeza bavuga ko bahise bishyurwa amezi atandatu, abiri akaba atarishyurwa, kandi ngo ntibasobanuriwe impamvu.

Bakomeje bavuga ko iyi koperative ‘Twite ku isuku Gashali’ bari abanyamuryango bayo, ariko ngo birukanwe nta migabane yabo bahawe.

Perezida w’iyi koperative Mushimiyimana Cyrile, avuga ko abo bakozi birukanwe koko, ariko akavuga ko batazize gutanga amakuru.

Yagize ati:“Abirukanwe barangizanyije n’ukwezi kwa Gashyantare, akazi ni aka koperative ntabwo ari ak’umuntu ku giti cye, abayobozi batubwiye ko twasigamo abantu babiri niko twabigenje, bari badusabye ko buri mezi atandatu bajya bakuramo abantu bagashyiramo abandi nibyo twakoze.Amafaranga tubafitiye bazayabona kuko bahembwa nyuma y’amezi atandatu tuzayabaha abandi bahemberwe ane.”

Umuyobozi w’Umurenge wa Gashali ushinzwe imibereho myiza y’abaturage Uwayisaba Clotilde, yabwiye Imvaho Nshya ko ibyo aba baturage bavuga nta kuri bifite.

Yagize ati:“Ibyo ni ibihusha, koperative ikora isuku mu isoko rya Birambo ‘Twite ku isuku Gashali’ yagiranye amasezerano n’umurenge, ntabwo twigeze dusesa amasezerano kuko nta kibazo twigeze tugirana, baracyakora.”

 

Comments

 
 
Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro
Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro

Ubuyobozi bw’akarere ka Rubavu burizeza ubuvugizi abanyeshuri barangiza amashuri yisumbuye bagizweho ingaruka n’inkongi yibasiye ishuri ry’ababatisita mu Rwanda, riherereye mu mudugudu wa Muhato, (...)

Nyamasheke: Gitifu w’akagari yatawe muri yombi akurikiranweho amafaranga ibihumbi 2
Nyamasheke: Gitifu w’akagari yatawe muri yombi akurikiranweho amafaranga ibihumbi 2

Umunyamabanga nshingwabikorwa w’akagari ka Banda mu murenge wa Rangiro,mu karere ka Nyamasheke ari mu maboko ya polisi kuri sitasiyo ya Kanjongo akurikiranweho amafaranga 2400 yahawe n’abaturage (...)

Abagore  b’i Ngoma bishyize hamwe bagurirana ibitenge  buri mwaka
Abagore b’i Ngoma bishyize hamwe bagurirana ibitenge buri mwaka

Abagore bo mu murenge wa Murama, mu kagari ka Rurenge bishimira ko bahuje imbaraga ubu bakaba bagurirana ibitenge buri mwaka, kandi bakaba bafashanya binyuze mu itsinda bishyiriyeho ryo kubitsa (...)

Nyamasheke: Inkuba yakubise ikigo cy’ishuri ihungabanya abana b’abakobwa icyenda
Nyamasheke: Inkuba yakubise ikigo cy’ishuri ihungabanya abana b’abakobwa icyenda

Inkuba yakubise ku kigo cy’ishuri cya TTC mwezi giherereye mu murenge wa Karengera mu karere ka Nyamasheke ihungabanya abana b’abakobwa icyenda n’umugabo ukora hafi y’iryo shuri bajyanwa mu bitaro. (...)

Rubavu: Imicungire y’umutungo w’ishyirahamwe ry’abageze mu zabukuru irakemangwa
Rubavu: Imicungire y’umutungo w’ishyirahamwe ry’abageze mu zabukuru irakemangwa

Abasaza n’abakecuru 209 bo mu murenge wa Rubavu mu karere ka Rubavu bahoze bafashwa muri gahunda ya VUP, barasaba ko bahabwa inyungu z’umusaruro w’ishyirahamwe bari barashinze, ryitwa Baturebereho. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.