2017-06-25 09:02:18 clouds 27o High | Kigali Rwanda

Dukurikire:
 
 

Karongi: Basabwe gukemura ikibazo cy’imanza za Gacaca mu kwezi kumwe

Yanditswe na IMVAHO NSHYA

Kuya 2017-03-31 07:37:25

 
Share on:
 
Yasuwe:575
 
Yavuzweho:200
 
10
 
10

Umukozi wa Minisiteri y’ubutabera ushinzwe guhuza ibikorwa byo kwegereza abaturage ubutabera, Mugabo Frank, yasabye abafite aho bahuriye n’irangizwa ry’imanza za Gacaca gukora ibishoboka byose zikarangizwa mu gihe kitarenze ukwezi.

Uyu mukozi wa Minisiteri y’ubutabera avuga ko mu kurushaho kwimakaza ubumwe n’ubwiyunge, abahamijwe n’inkiko ko bangije imitungo mu gihe cya Jenoside yakorewe Abatutsi bakwiye kwishyura iyo mitungo bangije cyangwa bagasaba imbabazi.

Yagize ati “Kwigisha ni uguhozaho turakomeza gushishikariza abatarishyura kwishyura.Ikigamijwe, ni uko izi manza za Gacaca zigomba kurangizwa, ubu turi gukusanya imibare y’izo manza kugira ngo izirangizwa zirangizwe izindi turebe ubundi buryo byacamo zikarangizwa”.

PNG - 701.3 kb
Zimwe mu manza za Gacaca ntizirarangizwa

Niyonsaba Francois w’imyaka 52, utuye mu mudugudu wa Kananira, akagari ka Birambo mu murenge wa Gashali, avuga ko muri Jenoside yakorewe Abatutsi yangije imitungo ifite agaciro k’amafaranga ibihumbi 52, akaba avuga ko magingo aya asigaje kwishyura ibihumbi 42, ariko akaba ahamya ko agiye gukora uko ashoboye kose akabona aya mafaranga asigaye akayishyura.

Yagize ati “Nari maze imyaka 15 mfungiwe icyaha cya Jenoside, aho mfunguriwe ubukene bwatumye ntabasha kuyishyura ariko ubu ngiye gukora uko nshoboye nyatange.”

Hanyurwimfura Leonidas, utuye mu kagari ka Tongati, ni umwe mu bangirijwe imitungo mu gihe cya Jenoside yakorewe Abatutsi.Avuga ko ikibabaje ari uko abangije imitungo babuze ubwishyu badatera intambwe ngo basabe imbabazi, cyangwa ngo banishyure.

Yagize ati “Abenshi ntibabura ubwishyu ngo nibura baze gusaba imbabazi, barituriza gusa, ababashije kuza gusaba imbabazi narababariye sinabishyuza, dufite ikibazo cy’amarangizarubanza yabuze kuri bamwe.

Bamwe mu bangije imitungo bagiye bishyura abayobozi ntibayaduhe, bakayikomera ku mifuka wajya kwishyuza uwangije imitungo akakwereka aho yishyuriye nyamara amafaranga utarayahawe”.

Asubiza iki kibazo cy’abishyuye abayobozi bakayarigisa, Mugabo Frank yasabye abarebwa n’iki kibazo gushaka ibimenyetso bakabishyikiriza inzego z’ubuyobozi bigakurikiranwa, uwayariye akayaryozwa.

Naho ku batemera gusaba imbabazi cyangwa kwishyura ibyo bangije, ngo hazabaho kwifashisha umuhesha w’inkiko w’umwuga, kandi yishyurwe amafaranga ibihumbi 500 nk’igihembo cy’akazi yakoze.

Muri uyu murenge wa Gashali habarurwa imanza za Gacaca 56, ziregwamo abantu 700 magingo aya zitararangizwa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE