2017-10-23 08:23:50 clouds 27o High | Kigali Rwanda

Dukurikire:
 
 

Karongi: Barara bagenda ngo bagere aho bategera imodoka

Yanditswe na IMVAHO NSHYA

Kuya 2016-03-26 11:05:35

 
Share on:
 
Yasuwe:3
 
Yavuzweho:200
 
10
 
10

Abaturage bo mu murenge wa Mutuntu mu karere ka Karongi, bavuga ko bahejejwe mu bwigunge no kutagira imodoka itwara abagenzi, aho ngo ukeneye gutega imodoka mu masaha ya mu gitondo asabwa kurara agenda.

Umurenge wa Mutuntu ni umwe mu mirenge igize akarere ka Karongi, itageramo imodoka n’imwe itwara abagenzi.

Isantere ya Manje ni imwe mu zikomeye ibarizwa mu murenge wa Mutuntu, ibonekamo ubucuruzi, ibigo by’amashuri n’ivuriro, nyamara nta modoka itwara abantu ihagera.

JPEG - 57.8 kb
Kugera aho bategera birabagora (Foto: Internet)

Sibomana Jacques, umwe mu bacuruzi bo muri iyo santere, avuga ko basigaye inyuma mu iterambere kubera kutagira imodoka batega.

Yagize ati:“Kutagira imodoka (Tagisi cyangwa Bisi) itwara abagenzi bituma ukeneye gukora urugendo arara agenda kugira ngo abashe kugera aho ategera, kugira ngo ahave asubira aho yaturutse nabyo ni ukurara ugenda.Umuhanda wacu si mwiza cyane, ariko harimo na tagisi byadufasha ntidusigare inyuma mu iterambere”.

Uyu mucuruzi yongeyeho ko umuturage ushaka kugera ku karere ka Karongi ko akoresha moto y’ibihumbi 20, bikaba ari ibintu bemeza ko bibabangamiye cyane.

Umunyamabanga Nshingwabikorwa w’Umurenge wa Mutuntu Ruzigana Emmanuel, nawe ahamya ko iki kibazo cyo kutagira imodoka kidindiza iterambere ry’umurenge ayoboye, agasaba ko bakorerwa ubuvugizi.

Yagize ati:“Kuba nta modoka itwara abagenzi igera muri iyi santere ya Manje bikomeje kubangamira iterambere ry’Umurenge.

Imodoka zivuye mu mujyi wa Karongi zigarukira ahitwa mu Gisovu mu murenge wa Twumba, iziturutse i Kigali zikagarukira mu murenge wa Nkomane wo mu karere ka Nyamagabe uhana imbibi n’uyu wa Mutuntu.Turasaba ubuvugizi bwo kubona imodoka itwara abagenzi.”

Aba baturage basaba ko n’iyo umurenge wose utashyirwamo imodoka, ariko nibura hagashyirwaho izigarukira muri iyi sanyere ya Manje.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE