Advertisement
 
 
 
 
 
 
 
 

Amakuru | Mu Ntara | Intara

Karongi: Abayobozi barindwi bafungiwe kunyereza amafaranga ya VUP   

  Yanditswe na DUSINGIZUMUREMYI VESTINE
 May 2016

 
 

Polisi y’u Rwanda ikorera mu karere ka Karongi yataye muri yombi abayobozi barimo abanyamabanga nshingwabikorwa b’utugari, abakozi b’Umurenge SACCO ya Murundi ndetse n’abakozi bo muri VUP, bakekwaho kunyereza imitungo no gukoresha nabi amafaranga yagenewe gahunda ya VUP ifasha abatishoboye.

Umuvugizi wa Polisi mu Ntara y’Uburengerazuba, CIP Theobald Kanamugire, avuga ko ayo mafaranga bayanyerezaga babinyujije mu matsinda ya baringa, aho wasangaga bafite amatsinda atabaho baha amafaranga.

Mu bafungiye kuri sitation ya Polisi ya Rubengera, harimo Ntihemuka Danny wahoze ari umunyamabanga nshingwabikorwa w’akagari ka Birambo ubu wabaga mu kagali kamwe k’umurenge wa Gishyita, Habaguhirwa Jean Damascene wayoboraga akagari ka Gisanze mu Murenge wa Rubengera akekwaho kunyereza amafaranga ya VUP abinyujije mu matsinda abiri ya baringa.

Undi ni Claire Uwera uyobora Akagari kamwe mu Murenge wa Ruganda n’ ushinzwe inguzanyo muri Koperative Umurenge SACCO ya Murundi n’abandi batatu bose hamwe bakaba ari barindwi.

CIP Kanamugire yagize ati”Amafaranga ya VUP yagenewe abatishoboye, ntabwo ari aya abayobozi.”

Yongeyeho ko n’undi wese ufite aho ahuriye n’inyerezwa ry’umutungo wa Leta azatabwa muri yombi bidatinze.

Mu karere ka Karongi habarurwa miliyoni 400 z’amafaranga y’u Rwanda zatanzwe muri gahunda ya VUP zitaragaruka kuko zahawe abataragombaga kuzihabwa.

 

Comments

 
 
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo

Abakozi bakora isuku mu nyubako y’ibiro by’Intara y’Uburasirazuba ikoreramo n’akarere ka Rwamagana, barasaba ubuyobozi kubakorera ubuvugizi rwiyemezamirimo ubakoresha akabishyura, kuko ngo bamaze (...)

Rusizi:Ba Agoronome bamaze amezi 7 bategereje moto z’akazi
Rusizi:Ba Agoronome bamaze amezi 7 bategereje moto z’akazi

Bamwe mu bagoronome n’abaveterineri bo mu karere ka Rusizi baravuga ko hari byinshi bikomeje kudindira muri serivisi baha abaturage bitewe nuko batabasha kubageraho, kuko moto batumije zimaze (...)

Burera:Ubuyobozi bwihanangirije ababyuka banywa inzoga  ngo zibatera imbaraga
Burera:Ubuyobozi bwihanangirije ababyuka banywa inzoga ngo zibatera imbaraga

Ubuyobozi bw’akarere ka Burera burasaba abaturage gucika ku muco wo kubyukira ku ntango y’inzoga n’ibigage, ahubwo bakimakaza umuco wo kubyukira k’umurimo, biteza imbere. Ubu butumwa bwatanzwe mu (...)

Rusizi: Ababyeyi barinubira abakobwa babo
Rusizi: Ababyeyi barinubira abakobwa babo "babaturaho" abuzukuru babyaye batiteguye

Bamwe mu babyeyi bo mu murenge wa Rwimbogo mu karere ka Rusizi, baravuga ko bahangayikishijwe bikomeye n’abana babo bata amashuri kubera inda zitateguwe ntibanavuge abazibatera, ugasanga barateza (...)

Muhanga:Hafunguwe ibyumba by’amashuri y’abafite ubumuga
Muhanga:Hafunguwe ibyumba by’amashuri y’abafite ubumuga

Umuganda ngarukakwezi ku rwego rw’Akarere ka Muhanga, wabereye hafi y’ishuri ry’abafite ubumuga, uhuzwa no gutaha ku mugaragaro ibyumba 6 yabo, byatwaye miliyoni 60 z’amafaranga y’u Rwanda. Senateri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.