Advertisement
 
 
 
 
 
 
 
 

Amakuru | Mu Ntara | Intara

Karongi:Abaturage 10 bakurikiranweho ingengabitekerezo ya Jenoside   

  Yanditswe na DUSINGIZUMUREMYI VESTINE
 April 2016

 
 

Abaturage 10 bo mu mirenge itandukanye mu karere ka Karongi nibo bamaze kugaragarwaho ingengabitekerezo ya Jenoside mu gihe cyo kwibuka ku nshuro ya 22 Jenoside yakorewe Abatutsi.

Umuhuzabikorwa wo kurwanya Jenoside mu karere ka Karongi na Rutsiro, Moise Mutabazi, avuga ko muri rusange hagaragaye abantu 10, ariko ngo birashoboka ko imibare ishobora kwiyongera.

Yagize ati:“Uko ari 10 bose bashyikirjwe ubugenzacyaha kugira ngo baryozwe ibyo bakoze n’ibyo bavuze, harimo abavuze amagambo, abakoze ibikorwa byo gukubita no gukomeretsa, umugabo umwe wakubise umugore we ngo avuye mu biganiro, undi yirukana umugore, abandi ni amagambo bavuze, gusa umubare ushobora kwiyongera.”

JPEG - 108 kb
Guverineri Mukandasira Caritas yifatanya n’abaturage ba Karongi mu kwibuka ku nshuro ya 22.

Uyu muhuzabikorwa yirinze gutangaza byinshi ku magambo yavuzwe n’aba bakekwaho ingengabitekerezo ya Jenoside, yirinda kubangamira iperereza rigikomeje magingo aya.

Mu bagaragayeho ingengabitekerezo ya Jenoside harimo n’Umunyamabanga Nshingwabikorwa w’umurenge wa Gitesi muri aka karere, nawe magingo aya ukiri gukurikiranwa n’ubutabera.

Umuyobozi w’akarere ka Karongi Ndayisaba Francois, avuga ko imyumvire y’abanyarwanda imaze gutera imbere, ngo kuko umuyobozi wagaragaje ingengabitekerezo ya Jenoside ari abaturage bavuze ko uwo muyobozi atajyanye n’icyerekezo mu mivugire ye.

Yagize ati:“Igihe kirageze ngo twunge ubumwe twubake igihugu cyacu, mu myaka 22 abaturage bigishijwe gushyira hamwe, uzagaragaraho ingengabitekerezo ubuyobozi buri tayari kugira ngo bumukanire urumukwiriye.”

Mu kwibuka Jenoside yakorewe abatutsi ku nshuro ya 21, mu karere ka Karongi abari bagaragaweho n’ingengabitecyerezo ya Jenoside bari babiri gusa, bikaba bigaragara ko imibare yazamutse cyane.

 

Comments

Izina Ryanyu
IGITEKEREZO

 
 
Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Umugabo w’i Nyamasheke afungiwe kurya umugore we umunwa akawumira
Umugabo w’i Nyamasheke afungiwe kurya umugore we umunwa akawumira

Ntambabazi Emmanuel w’imyaka 57, wo mu kagari ka Kagarama, umurenge wa Karambi, mu karere ka Nyamasheke, akurikiranweho guhohotera umugore we Nyiranzabahimana Espérance w’imyaka 30, akamurya (...)

Nyamasheke:  Ikamyo y’Abashinwa yagonze veterineri w’umurenge arapfa
Nyamasheke: Ikamyo y’Abashinwa yagonze veterineri w’umurenge arapfa

Imodoka y’Abashinwa bakora umuhanda wa Nyamasheke-Karongi yari itwawe n’umushoferi witwa Nizeyimana Fabien w’imyaka 45 yagonze moto yari itwaye Veterineri w’ umurenge wa Karambi, Tuyizere Pontien, (...)

Gakenke: Babujijwe amahwemo n’insoresore zitwa ‘Abasongarere’
Gakenke: Babujijwe amahwemo n’insoresore zitwa ‘Abasongarere’

Abaturage bo mu kagari ka Rutenderi, umurenge wa Mugunga, akarere ka Gakenke, baratangaza ko babangamiwe n’insoresore zizwi ku izina ry’Abasongarere zibabuza amahwemo zibibira imyaka n’amatungo. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.